Mas cu 2.400 manifestantenan mata na Iran mientras Trump ta adverti contra ehecucion

WASHINGTON - Presidente mericano Donald Trump a adverti Iran pa no sigui cu ehecucion di manifestantenan, bisando cu Merca lo tuma “accion fuerte” si esey pasa. E la mustra tambe apoyo pa e manifestantenan pa sigui sali na caya y a bisa cu “ayuda ta na caminda.” Mas cu 2.400 manifestantenan a wordo mata y minimo 18.000 persona a wordo deteni desde cu Iran a cuminza un represion bruto pa aplasta protesta luna pasa, segun un grupo di derecho humano basa na Merca. E ambiente den capital Teheran ta “sumamente pesado y tens,” segun un residente cu a conta CNN. Iran ta drenta den su seis dia sin internet, cu e represion ta wordo hala pa bai bou di un blackout di comunicacion imponi pa estado. Internet probablemente lo keda desconecta “proximo un of dos siman,” segun medio relaciona cu gobierno.