Turista mericano ta bira di 11 morto di trafico pa 2025 di un caso di hit & run

ORANJESTAD – Un turista cu a accidenta na final di 2025 na Aruba, a bira e di 11 morto di trafico pa e aña, aunke cu e la muri den 2026.  Tabata diasabra 27 december 2025 pa 8’or di anochi cu central a wordo notifica cu un accidente a tuma lugar riba e caminda di Pos Abao.  Un auto lo mester a alcansa 2 hende muher y nan ta mustra gravemente herida. Central di Polis a despacha patruya di polis como tambe ambulance na e sitio di e sucedido. 

Na yegada di polis a bin topa enberdad cu dos hende muher riba caminda y nan situacion tabata mustra grave. E auto cu a  dalnan a bandona e sitio di e sucedido.  Ambulance a yega na e sitio y a duna asistencia medico na e dos victimanan, cu ta turista nacionalidad mericano. A stabilisanan y bay cu nan cu maximo urgencia pa Hospital (HOH). Specialista di trafico a presenta como tambe polis technico pa asiba haci nan investigacion. 

Un di e victimanan su situacion tabata hopi critico y a keda interna den ICU. 

Awe diamars 13 januari 2026 pa pa mas o menos 1’or merdia polis ta wordo notifica dor di personal di hospital cu e victima a fayece.  Dokter a constata morto di e  señora turista Lisa Marie Barnett naci 26 oktober 1968 (57aña) na Merca. 

 E ta bira e di 11 morto den trafico pa aña 2025. Esaki ta motibo cu e accidente a pasa den aña 2025. 

Cuerpo Policial ta haci un apelacion na e personan cu sa algo of a wak algo pa yama e tiplijn di polis cu ta 11141. Bo ta keda anonimo. Na e chauffeur di e auto cu a dal e personanan y bandona e sitio “ hit and run” ta haci un apelacion na dje pa para responsabel pa bo acto cometi y presenta na Warda di Polis!.