Un morto y cuater herido den tiroteo cerca di Paris

PARIS — Un persona a muri y por lo menos cuater a resulta herida durante un tiroteo diabierna mainta, 23 di oktober, na Trappes, un suburbio di Paris, Francia.

Segun autoridadnan, un homber di 39 aña a tira for di su auto riba diferente persona y vehiculo, afectando tambe un centro medico y un pompstacion. Polis a detene e sospechoso na Coignières.

Fiscalia Antiterrorista di Francia a asumi e investigacion, considerando e posibilidad di un ataque terrorista. E motibo ainda no ta confirma y e cantidad di heridonan por ta mas halto.