Dowers ta habri oportunidad pa legalisa estadia di muchanan indocumenta

ORANJESTAD — Minister di Husticia Arthur Dowers a anuncia un maneho temporal pa legalisa estadia di muchanan menor di edad cu a drenta Aruba via aeropuerto prome cu 21 di oktober 2026 y cu tin por lo menos un mayor cu ta biba legalmente na Aruba.

E oportunidad ta exclusivamente pa muchanan cu ya ta na Aruba y no ta permiti trece muchanan for di exterior pa despues legalisa nan estadia.

E programa ta termina 31 di december 2026. Legalisacion no ta automatico; DIMAS lo evalua cada solicitud individualmente, segun rekisitonan manera paspoort valido, acta di nacemento apostilla y entrada di e mayor garante.