Corte na Marocco a confirma castigo di pena di morto pa dos yiu di Corsou

MARRAKECH.- Ayera korte na Marrakech, Marokko ta konfirmá kastigu di pena di morto pa dos kurasoleño pa kaso di asesinato den e pais. E konfirmashon dje kastigu a tuma lugá ayera. Ta trata dje dos hòmbernan Shardyone S. (34) i Edwin R.M. (30). E dos yunan di Kòrsou a keda aserká i pagá pa sali for di Hulanda i bai te Marokko pa mata un hende riba enkargo. Nan a bai na e sitio unda e hende ku nan mester a mata tabata. Sinembargo, ora nan a yega, nan a basha bala riba hende robes. Pasobra e persona ku nan mester a mata, tabata sintá na mesun sitio dje víktima, pero el a lanta bai basta ratu. E víktima a resultá di ta un hóben ku tabata huntu ku su amigunan, i ta yu di un wes na Marokko.

Korte di apelashon na Casablanca a konfirmá e kastigu, despues ku nan a bai Korte di Kasashon.

E echo a tuma lugá riba teras di café La Créme in Marrakech. Algun hulandes di desendensia di Marokko ku tambe ta envolví den e kaso akí, a haña ménos kastigu.

Ku e kastigu akí ta konfirmá e kastigu di mas pisá pa e dos sospechosonan prinsipal.

Den 2019 i 2023 kaba tabatin kastigu di bida largu a keda diktá. Nan a keda kondená pa asesinato intenshonalmente, intento di asesinato i tambe di ta forma parti di e un organisashon kriminal, i ta kana ku arma di kandela ilegal.

Doño dje kafé La Créme, su kastigu di 15 aña a bira 10 aña, otro akusadonan nan kastigunan di 10 aña a baha te ku 5 aña. NOTA: Texto ta scirbi den papiamento di Corsou.