Gobierno ta introduci startersregeling pa stimula empresanan nobo

Posted on 01/11/2026 5:48 pm AST | Updated on 01/11/2026 6:02 pm AST

ORANJESTAD - Den cuadro di un strategia pa stimula empresanan nobo y diversificacion di Aruba su economia Minister di Finansa, Economia y Sector Primario Geoffrey Wever ta introduci oficialmente un “Startersregeling” pa companianan nobo, dirigi na elimina barrera fiscal pa empresanan nobo y crea un clima fiscal mas faborabel pa empresanan nobo.

Minister Wever ta subraya cu e “Startersregeling” ta forma parti di e vision economico di Gobierno AVP-FUTURO, cu e meta pa stimula incorporacion di empresanan nobo den especialmente e Promising Sectors, manera defini pa Directie Economische Zaken, Handel en Industrie (DEZHI), pa stimula entrepreneurship, pa crea cuponan di trabow nobo y innovativo y pa crea entradanan nobo pa Gobierno.

E “Startersregeling” ta aplicabel specificamente pa empresanan nobo den e Promising Sectors, cu ta entre otro turismo cultural, turismo deportivo, economia di conocemento manera energia solar, tecnologia oceanico, educacion superior, ICT y FinTech y solucionnan insular orienta riba exportacion; logistica maritimo y di aviacion; economia agricola cu produccion local di alimento; economia circular cu enfoke riba reciclahe, waste-to-energy y deep seawater industries; y industria creativo manera arte, musica, diseño grafico, fotografia, web design, art studios y moda. “Cu e enfoke aki, Gobierno AVP-FUTURO ta pone pasonan concreto pa diversifica economia di Aruba”, segun Minister Geoffrey Wever.

Pa apoya empresanan den nan fase inicial, e areglo ta introduci un serie di incentivonan fiscal concreto durante e prome cinco aña despues di fundacion. Entre esaki ta un excepcion anual di ganashi te na Afl. 50.000, un deduccion di inversion aumenta te 20%, y un deducibilidad parcial di e montante principal di prestamonan comercial nobo. Tambe a crea flexibilidad den e rekisito di salario pa accionistanan cu tin participacion substancial y cu ta traha den nan mesun compania, basando esaki riba salario minimo legal. Den e periodo di start-up e areglo di empresario chikito pa BBO, AZV y BAVP ta wordo aplica durante e periodo e compania nobo no mester paga BBO, AZV y BAVP pa 5 aña. “E combinacion di e medidanan aki ta contribui directamente na mehora di liquides, acceso na financiamento y reinversion continuo”, segun Minister Wever.

E “Startersregeling” ta aplicabel solamente pa companianan cu ta funda y cu ta establece na Aruba desde 1 di januari 2026 y cu tin un permiso di negoshi actividadnan den e Promising sectors. Empresanan cu ta participa mester demostra cada aña cu nan ta invirti minimo 15% di nan bruto-omzet den crecemento di e empresa, cu nan tin un nivel minimo di empleo di acuerdo cu nan volumen di actividad, y cu nan ta cumpli cu rekisito di presencia economico real na Aruba.

“Cu introduccion di e “Startersregeling”, Gobierno di Aruba ta haci un inversion consciente pa diversifica economia di Aruba, un maneho ta refleha un balanse claro entre stimulacion di iniciativa empresarial y beneficionan fiscal, cu como obhetivo final un economia mas diversifica, mas innovador y mas resiliente. E “Startersregeling” a drenta na vigor riba 1 di januari 2026 y ta marca un paso importante den e caminda pa crea un economia mas fuerte pa Aruba cu ta prepara pa futuro”, segun Minister Geoffrey Wever.

Wever: Automobilistanan lo ricibi nan plachinan di number den e proximo dianan
ORANJESTAD - Minister di Finansa mr. Geoffrey Wever, a anuncia diabierna cu automobilista- y motociclistanan lo ricibi nan plachinan di number nobo den e proximo dianan.
Mas Politica
Lesa Mas
Hall of Famer Andruw Jones a bishita minister Eman y Croes na Aruba
ORANJESTAD - Awemainta Prome Minister Mike Eman y Minister di deporte Gerlien Croes a ricibi bishita di ex-pelotero y Hall of Famer, Andruw Jones — un orguyo di hermana isla Corsou cu tambe tin su rais na Aruba. “ Nos a combersa riba e desaroyonan di baseball na Aruba y e vision cu nos tin pa sigui fortalece e deporte aki” minister Croes a bisa despues di e bishita.
Mas Politica
Lesa Mas
Minister Dowers: Lo inicia cu control riba ilegalidad
ORANJESTAD - Durante un recient conferencia di prensa, Minister di Husticia, mr. drs. Arthur Dowers, a comparti informacion riba e maneho di Hunto pa Progreso. Apesar cu e programa a termina algun tempo pasa, awo DIMAS cu sosten di IOM ta den proceso pa match dunadonan di trabao cu esnan cu a registra pa trayecto 4 y cu ta cumpli cu tur rekisito. Esnan cu a registra mester mantene nan informacion di contacto actualisa, mirando cu nan tin 1 aña pa haya un dunado di trabao y pasa pa e trayecto regular.
Mas Politica
Lesa Mas
Aruba ta sigui presta contra interes mas halto cu prome cu 2022
ORANJESTAD – Aruba den 2024 y 2025 tambe ta emiti prestamo di estado contra interes cu structuralmente ta mas halto cu den añanan prome cu 2022. Esaki ta sali for di un bista general di obligacionnan di estado y certificadonan di debe di Banco Central di Aruba. Den 2024, gobierno di Aruba a cera varios prestamo contra interes entre 5,18 y 6,32 porciento, dependiente di duracion y moneda. Asina, den mei 2024 a wordo emiti dos prestamo na florin contra interes di 5,86 porciento y 5,18 porciento, mientras cu den september 2024 a sigui dos prestamo na dolar Mericano contra interes di 6,30 y 6,32 porciento. Tambe den 2025 nivel di interes a keda relativamente halto. Den juni 2025 Aruba a emiti un prestamo na florin di 100 miyon contra 5,19 porciento, sigui pa un di dos prestamo di 65 miyon florin contra 4,51 porciento.
Mas Politica
Lesa Mas
Gobierno ta inverti 170 mil florin pa sigui cu proyecto Lago Heights Park
ORANJESTAD - Gobierno di Aruba, a aproba AWG 170,000 adicional pa desaroyo di Lago Heights Park. Cu e decision aki, a sigura e presupuesto total pa e proyecto. E realisacion di Lago Heights Park ta posibel pa medio di un colaboracion fuerte entre partnernan local y internacional. Financiamento pa e proyecto a wordo sigura pa medio di contribucion di CEDE ARUBA (co-financiador y coordinador), Stichting Jantje Beton (Hulanda), Ministerio di Interior y Relacionnan den Reino (BZK) via Representatie van Hulanda na Aruba, Curaçao en Sint Maarten (VNACS), y Gobierno di Aruba. Hunto, e partnernan aki a percura pa e cobertura financiero completo di e proyecto y a demostra un compromiso comparti pa inverti den espacionan publico sigur, inclusivo, y di calidad halto pa mucha y comunidadnan na Aruba.
Mas Politica
Lesa Mas
Fitch ta na Aruba pa evalua ‘rating’ anual di nos isla
ORANJESTAD - Diamars mainta, Minister di Finansa Geoffrey Wever, hunto cu Directie Financiën y Directie Buitenlandse Betrekkingen a reuni cu un di e tres agencia principal di rating internacional: Fitch Ratings. E reunion a tuma lugar den cuadro di e evaluacion anual di rating di Aruba. Despues di esaki, ta dura algun siman prome cu Aruba haya sa kico e rating pa nos isla ta bira. Basa riba e decision aki, institutonan financiero internacional por dicidi si ta fia Aruba placa of no.
Mas Politica
Lesa Mas