Reglanan importante na Aruba pa control riba construccion y demolicion aplicabel awor

ORANJESTAD – For di 1 januari 2026, ta bini na vigor regulacionnan adicional di e Bouw- i sloopverordening di Aruba. E caminda aki ta duna gobierno mas poder pa tuma medida contra construccion i demolicion ilegal, y tambe pa reclama gasto for di e persona cu ta comete infraccion. Esaki ta segun un landsbesluit cu a wordo firma 23 december 2025 y publica den Afkondigingsblad di Aruba. E Bouw- i sloopverordening tabata parcialmente na vigor desde november 2022, pero hopi articulo importante no tabata activa ainda. Cu e landsbesluit nobo, ta wordo pone den vigor esnan cu ta referi na handhaving administrativo, seguridad legal y reclamo di gasto. Ta trata di articulo basico cu ta esencial pa supervision y  actuacion efectivo di gobierno.

CLARIDAD

Den e splicacion di e desicion, ta bisa cu e inwerkingtreding ta necesario pa fortalece e handhaving di regla pa construccion i sloop, y pa duna claridad pa cuidadanonan i empresa. Sin esaki, gobierno tabata tin un limitacion grandi den e herramienta legal pa actua contra infractor of pa reclama gasto cu tabata haci pa corehi e falta. Cu e articulonan nobo na vigor for di 1 januari, e practica legal rond construccion y demolicion na Aruba lo cambia significativamente. Gobierno lo por actua mas duro y mas efectivo contra abuso, mientras cuidadanonan y desarolladornan lo haya mas claridad tocante derechonan y obligacion den e marco di ordenamento espacial.