Actor di ‘Real Housewives’ y su famia tambe a keda pega na Aruba

ORANJESTAD – Hopi  mericano cu a keda pega na Aruba e weekend aki, a cuminsa conta nan storia na prensa mericano. Un di nan ta e estrella/actor di “The Real Housewives of New Jersey”.  Melissa Gorga y su famia a celebra Aña Nobo den na Aruba. Sinembargo, Melissa a revela cu su famia awor ta pega na e isla tropical despues cu cientos di vuelo a wordo cancela di repente. Posibelmente Melissa no a tuma na cuenta e motibo di con hende manera nan mes a keda pega. Segun Reuters, FAA a sera parti di espacio aereo di Caribe despues di atakenan di Estados Unidos na Venezuela, cu a causa cancelacionnan grandi den henter e region. Afortunadamente, Merca a kita e restriccion di espacio aereo na 4 di januari, loke cu, cu un tiki suerte, ta significa cu e estrella di reality y su famia a logra haña un vuelo bek pa New Jersey.

VACACION DI MELISSA GORGA NA ARUBA A TUMA UN BUELTA INESPERA

Melissa Gorga di “The Real Housewives of New Jersey” a usa Threads pa descarga su frustracion despues cu a descubri cu e vacacion familiar di Aña Nobo na Aruba lo por dura mas largo cu lo planea. E portal Parade a comparti e mensaje cu Melissa a pone riba Threads, cu tabata bisa: “WTF ta pasa.” Despues di esei, el a link United Airlines y añadi: “Keda pega – vuelo cancela sin opcion di reprograma pa simannan?” Desafortunadamente, Melissa y su famia tabata entre cientos di biahadornan cu nan vuelo a wordo cancela despues di atakenan di Merca riba Venezuela na 3 di januari. Segun Reuters a reporta,  FAA a sera espacio aereo den Caribe “pa riesgo di seguridad di vuelo relaciona cu actividad militar cu ta sigi.” Aerolineanan grandi, incluyendo United, Delta, American Airlines y Spirit, a cancela vuelo, aunke servicio a reanuda un dia despues. Sinembargo, analista di aerolinea Robert Mann a bisa cu e companianan awor ta enfrenta e reto di reprograma cientos di biahadornan cu a keda pega den Caribe, y cu probablemente lo tuma varios dia pa cu operacionnan bolbe na normal.

Cu un tiki suerte, famia Gorga no lo keda pega na Aruba pa mucho mas tempo, aunke keda pega den paraiso lo por no ta e situacion mas malo.