Trafico aereo na Schiphol casi totalmente para pa motibo di sneeuw, ta afecta Aruba tambe

SCHIPHOL – E mal tempo di invierno na Hulanda a logicamente afecta e aeropuerto principal di Hulanda, Schiphol, y consecuentemente tambe buelo pa Aruba. Te por lo menos 2 or di Hulanda casi no a sali avion for di Schiphol,   confirma pa luchtverkeersleiding Nederland despues di informashon di NH Nieuws. Te e ora ey ningun avion por a aterisa. “No tin pista disponible,” asina un portavoz a bisa. Un portavoz di Schiphol a bisa cu esaki a wordo dicidi pa un combinacion di factor. Entre otro cosnan tin lisura riba e pistanan di despegue y aterrisahe, y tambe e continua sneeuw. “E clima ta impredecible y nos ta evalua constantemente cuanto capacidad nos por maneha.” Buelo cu ta na caminda y cu no por aterrisa na Schiphol ta wordo redirigi. Mayoria di e buelonan redirigi ta bai Düsseldorf.

KLM PA ARUBA

E buelo pa Aruba, KL 765 tambe a keda afecta y tabata programa pa Sali dos ora mas laat cu consecuencia cu e lo yega Aruba un ora y mei mas laat esta pa 7:39pm envez di 6’or awe tardi.