Pisas: Corsou no ta hasi ningun exprecion p’e forma con Merca a captura Maduro

Posted on 01/5/2026 9:12 am AST | Updated on 01/5/2026 9:13 am AST

WILLEMSTAD - Corsou ta sigui Hulanda, i no ta hasi ningun ekspreshon rondó di e kaptura di presidente Venezolano, Nicolas Maduro, dor di Merka. Esaki ta loke ku promé minister, Gilmar Pisas, a duna di konosé na prensa. Djasabra mardugá Kòrsou i mundu a keda di shòk dje akshon di Merka, ku a drenta Venezuela i a kapturá e presidente dje pais.

Relashoná ku e intervenshon di Merka den Venezuela, promé minister a aktivo e ‘Crisis Team’. Despues ku tabatin klaridat dje akshonnan di Merka, promé minister Pisas a dirigí su mes na pueblo di Kòrsou, indikando ku Kòrsou no ta den krísis pa loke a sosodé na isla bisiña, Venezuela. Promé minister a indiká ku e tabatin kontakto ku presidente di Hulanda sr. Schoof, kende a indiká ku e islanan ABC por konta ku sosten di Hulanda ketu bai.

Mas aleu promé minister a bisa ku Kòrsou ta den Reino i ta keda neutral. P’esei lo no hasi ningun ekspreshon riba e kaptura di Maduro i e intervenshon di Merka den Venezuela. Tambe e promé minister a ekspresá su temor, ku venezolanonan por sali for di e pais pa drenta Kòrsou. P’esei wardakosta i tambe defensa hulandes ta prepará pa e situashon akí, i ta sigui patruyá. Pasobra Kòrsou no por akapará tantu hende asina. Tambe gobièrnu ta konsiente ku ora e venezolanonan yega Kòrsou, nan ta hasi apelashon riba artíkulo 3 di EVRM, kual ta Tratado di Derecho di Hende Oropeo. Ta spera ku Kòrsou lo no haña fluho di hende pasó te ainda no tin un sitio adekuá pa akapará e hendenan aki. Aunke ku lo tabata buskando un sitio, segun sr. Lesley Fer di Mantenshon di Rísiko i Krísis na Kòrsou.

Pa personanan ku nashonalidat hulandes na Venezuela: Ta urgi personanan ku nashonalidat Hulandes ku ta na Venezuela aktualmente, pa registrá na Embahada di Reino na Caracas. Esaki ta posibel pa medio di e siguiente link: https://informatieservice.nederlandwereldwijd.nl. Esaki tambe ta konta pa Hulandesnan Karibense.

Minister enkargá ku ekonomia i turismo, sr. Roderick Middelhof, a informá ku pueblo no mester drenta pániko, pasobra tin remedi i kuminda pa 3 luna. Kombustibel tin pa 1 luna i mei. Esaki tabata pa evitá ku hende ta hansha pa bai kumpra kos i nos mes trese pais den krísis.

Huntu ku avionnan ku ta bini for di Merka ku a kanselá nan buelo, Corendon, KLM i TUI tambe a kanselá tur nan buelonan djasabra. Ta asina ku Corendon tabatin 432 pasahero, KLM 600 i 900 TUI. A pidi hotèlnan pa por akapará e pasaheronan aki ku tabata nan wéspet pa 48 ora riba gastu dje hotèl mes. Mester bisa ku for di djadumingu avionnan a kuminsá bula bèk i a ‘reschedule’ e pasaheronan pegá na Kòrsou. Pa loke ta trata barku krusero, tabatin kanselashon di 1 krusero pa dia 5 i 1 pa dia 6 di yanüari. Djasabra mes por a tuma nota di 1 krusero mará na Mega Pier, i ayera djadumingu tabatin dos krusero na Mega Pier. NOTA: Texto ta scirbi den papiamento fonetico di Corsou.

Corte na Marocco a confirma castigo di pena di morto pa dos yiu di Corsou
MARRAKECH.- Ayera korte na Marrakech, Marokko ta konfirmá kastigu di pena di morto pa dos kurasoleño pa kaso di asesinato den e pais. E konfirmashon dje kastigu a tuma lugá ayera. Ta trata dje dos hòmbernan Shardyone S. (34) i Edwin R.M. (30). E dos yunan di Kòrsou a keda aserká i pagá pa sali for di Hulanda i bai te Marokko pa mata un hende riba enkargo. Nan a bai na e sitio unda e hende ku nan mester a mata tabata. Sinembargo, ora nan a yega, nan a basha bala riba hende robes. Pasobra e persona ku nan mester a mata, tabata sintá na mesun sitio dje víktima, pero el a lanta bai basta ratu. E víktima a resultá di ta un hóben ku tabata huntu ku su amigunan, i ta yu di un wes na Marokko.
Mas Corsow
Lesa Mas
Gabinete Pisas a pidi retiro di dos di su ministernan di su gabinete
WILLEMSTAD – E liderato di partido MFK a pidi cu ministro Kimberly Lew-Jen-Tai y ministro plenipotenshario Carlson Manuel pone nan funcionan abou. No ta conoci si ta temporario pero por lo menos un medio ta usa e palabra ey ‘temporariamente’. Ademas esaki tambe ta poni den e comunicado di prensa di MFK, firma pa lider politico Gilmar Pisas y presidente di partido Sithree van Heydoorn.
Mas Corsow
Lesa Mas
Denuncia di corupcion na Cas di Corsou na Hulanda y Gev.Min, no a yega OM ainda
WILLEMSTAD - Te ainda e denunsia kontra di korupshon na Kas di Kòrsou i minister plenipotensiario Carls Manuel, no a yega na Ministerio Públiko (OM). Esaki ta loke ku bosero di Ministerio Públiko sr. Roderick Gouverneur a duna di konosé na EXTRA.
Mas Corsow
Lesa Mas
Cadena hotelero Sonesta ta bolbe traha hotel na Corsou
WILLEMSTAD - Sonesta International Hotels Corporation a anuncia un acuerdo pa construí un hotel nobo di Sonesta na Corsou cerca di Jan Thiel Beach. E propiedad nobo ta spera pa drenta den e portafolio di Sonesta den segundo cuartal di 2026. "E hotel ta amplia meta di Sonesta pa tene un presensia mas grandi den Caribe," segun Keith Pierce, EVP y Presidente di Franchise y Development na Sonesta. "E acuerdo aki ta mustra ultimo paso di Sonesta na Corsou y ta refleha compromiso pa sigui amplia den Latin America y Caribe." "Nos ta emociona pa amplia presencia di Sonesta riba isla bunita di Corsou, fortalece e portafolio y nombra den un destinacion hopi buska," a agrega Pierce.
Mas Corsow
Lesa Mas
Curacao Medical Center ta nombra director medico nobo
WILLEMSTAD – Curacao Medical Center (CMC) a nombra Ludmilla Garmers como director medico nobo. Despues di un proceso di seleccion largo, Garmers, cu ta original di Curacao, ta bolbe su isla pa pone na servicio su experencia den formacion medico, maneho di hospital y cuido agudo pa fortalece sector di salud local. Garmers tin hopi aña di experencia den salud. E tabata hefe di departamento di Anestesiologia y Maneho di Dolor, a tene diferente posicionnan di liderazgo den hospitalnan y tambe a dirigi organismo di mediconan specialisa.
Mas Corsow
Lesa Mas
Fayecimento di Hushang Ansary tin consecuencia pa proceso legal cu ta andando
WILLEMSTAD.- Centrale Bank van Curaçao en Sint Maarten (CBCS) a indiká ku fayesimentu di Hushang Ansary lo tin konsekuensia pa e prosesonan ku ta andando den korte. Ta spesífiko e kaso sivil den apelashon kontra di Ansary i su grupo.
Mas Corsow
Lesa Mas