Mas di 40 container cu clapchi a keda despacha marduga pa cuminsa bende diasabra

ORANJESTAD – Awe marduga, manera ta custumber tur aña, mas di 40 containernan di clapchi a keda despacha pa mas di 50 lugar di benta, cu guia policial pa seguridad. Tur 27 marduga, polis y DOW ta prepara y maneha e transporte di clapchi di e deposito di Wela pa e varios lugarnan di benta, pa asina dia 27 di December den dia, por cuminsa cu e benta di clapchi. E aña aki, segun e experto di explosivo di DOW Rubin Ponson a confirma pa noticiacla, tabatin 18 container importa, y e restante di aña pasa cu no ta hopi. “Esakinan a wordo reparti den mas cu 40 container cu awe marduga ta wordo reparti y hiba na e lugarnan di benta”, Ponson a confirma. Mientrastanto, tin mas di 60 permiso di benta a keda reparti. “ Durante dia ta bai hasi un re-conteo pa mira si tur a habri” Ponson a sigui bisa. Esaki pasobra mayoria di biaha tin algun ta cai afo y no ta logra pa habri.