Mal tempo na New York ta afecta Aruba e weekend aki tambe

NEW YORK - Un seccion di e region Norteste di Merca, incluyendo mayor parti di Pennsylvania y New York, manera Connecticut y Massachusetts, tabata bou di avisonan di tempo di winter of aviso di tormenta di winter diabierna atardi. Y e tempo aki a of lo afecta trafico turistico pa Aruba entre diabierna y diasabra. Mientras cu diabierna no tabatin cancelacion pa Aruba, JetBlue a cancela por lo menos 2 di su buelonan di oost di Merca pa diasabra. Y no ta descarta cu otro aeroliñanan for di e mesun area, pa Aruba tambe lo cancela. 

E TEMPO

E tempo di winter den e Northeast y riba West Coast diabierna a contribui na mas cu 6.000 vuelo retrasa y 1.600 cancelacion pa drenta of sali for di Merca, segun e website di rastreo di vuelo FlightAware. Aeropuertonan den e area di New York City a lidera den cancelacionnan.

PASCO BLANCOI

E Northeast casi a manca un Pasco blanco, pero e pronostico di sneeuw cu a cuminza diabierna por ta hopi fuerte.

New York City tabata spera pa ricibi te 11 pulgada di sneew prome cu 1 di or diasabra, segun e agencia di maneho di emergencia di e ciudad. E cantidadnan mas halto tabata spera principalmente na parti nort di e area metropolitano di New York City y New Jersey, segun e National Weather Service.

“No bay na biahe si no ta absolutamente necesario,” NYC Emergency Management a adverti diabierna atardi.

SNEEUW

E sneew mas fuerte tabata spera entre 6 di or atardi diabierna y 1 di or mainta diasabra, cu velocidad di caida di sneeuw llegando te 1 pa 2 pulgada pa ora.