Awor tin acuerdo cu Merca pa buelonan mas sigur den espacio aereo rond di islanan ABC

ORANJESTAD - Prome minister di Aruba, Mike G. Eman, hunto cu e director di e Departamento di Asunto Exterior di Aruba, Jocelyne M.M. Croes, despues di un conferencia telefonico cu e Consul General Ramon Negron riba Anochi di Pasco, aa informa di lo siguiente:

U.S. Air Forces Southern y e proveedor di servicio di navegacion aerea di e Caribe Hulandes (DC-ANSP) a yega na un acuerdo riba un plan nobo pa haci vuelo mas sigur y mas eficiente den e cielonan rondo di e islanan ABC — Aruba, Bonaire y Curacao.

E plan aki ta enfoca riba maneho mas mihor di altitud di vuelo, espacio aereo y timing. Asina, tanto avion civil como militar por move door di e Caribe Sur cu menos retraso y mas predictibilidad. Importante ta cu e acuerdo ta mantene cierto corredor di vuelo liber di actividad militar di Merca, garantizando viaje fluido pa companianan aereo comercial y avionnan priva.

E acuerdo ta destaca e cooperacion fuerte entre Merca y nos autoridadnan di aviacion. Mediante planificacion mihor y coordinacion den tempo real, vuelo for di y pa e islanan ABC lo ta mas sigur y mas lihero, mientras cu separacion necesario ta wordo manteni di cualkier entrenamiento of mision militar adicional di Merca.