Minister mericano Kristi Noem ta bisa cu Maduro “mester bai”

WASHINGTON DC – Minister di Seguridad Nacional mericano, Kristi Noem, a bisa dialuna cu presidente Venezolano Nicolas Maduro “mester bai” for di poder. Esaki ta uno di e indicacionan mas claro te awor cu Washington ta buscando un cambio di liderato na Caracas. Presidente Donald Trump a anuncia mas tempran e luna aki un bloqueo di barco di petroleo cu ta bou di sancion y cu ta navega di y pa Venezuela. Forza Mericana ya a confisca dos bachi y te awor a sigui un di tres.

Refiriendo na e accionnan ey, Noem a bisa Fox News cu “nos no ta solamente interceptando e barconan nan aki, sino nos tambe ta manda un mensahe na henter mundo cu e actividad ilegal cu Maduro ta participa den dje no por sigi, el mester bai.”