Prijsnan di petroleo mas abou ta causa baha di costo di combustible na Aruba

ORANJESTAD – Na november 2025, prijsnan relaciona cu energia na Aruba a baha claramente, bou di influencia di prijsnan internacional di petroleo mas abou. E prijs promedio di un vat petroleo crudo a yega 60 dollar Mericano, un caida di 1,7 por ciento compara cu oktober. E desaroyo aki ta repercuti directamente den e gasoline di combustible y, indirectamente, den e costo di bida.

E caida di prijs mas fuerte a presenta serca di benzine, cu na november a bira 4,2 porciento mas barata. Esaki ta ekivalente na un reduccion di 9,5 cent pa litro. Sasoline a tin asina un efecto relativamente grandi pa abou riba e indice di prijs di consumidor.

Diesel tambe a bira mas barata y a baha cu 2,2 por ciento, loke ta ekivalente na 4,4 cent pa litro. E influencia di diesel riba inflacion tabata mas chikito, pero claramente negativo.

AWA Y CORIENTE

E prijsnan di coriente y awa a keda sin cambio na november. E costo mensual promedio di coriente pa cada huishouden a keda stabiel, mescos cu e cuenta di awa. Pesei, servicio publico na e luna aki no tabata un fuente di presion adicional di prijs, pero tambe no a trese alivio pa e huishoudenan.

Hunto, energia, gasoline y diesel a causa na november un caida di prijs di 1,2 por ciento den e grupo di producto aki. Esaki a tin un efecto moderador riba inflacion, mientras cu otro productonan y servicio a subi levemente di prijs. Sin e caida di prijsnan di combustible, e nivel general di prijs na november lo tabata mas halto.

RIBA BASE ANUAL

Tambe riba base anual e efecto ta bisto. Durante e periodo di november 2024 te november 2025, e prijs di petroleo crudo a baha cu casi 14 por ciento. Gasoline a bira 8,1 por ciento mas barato y diesel 5,1 por ciento, loke a haci cu energia sigui ta un factor importante cu ta frena inflacion.