Wardacosta ta yuda barco di bela cu problema cerca di Aruba

ORANJESTAD - Ayera den oranan di madruga Wardacosta a risibi un notificacion di e boto White Cloud cu tabatin problema riba lama. E capitan a notifica cu su boto tabata tin problema cu motor y cu e no por a sigui nabega. E punto di sosten di Wardacosta na Aruba mesora a dirigi un patruya pa bai na localidad di e boto den cercania di Aruba. Na momento cu e boto di patruya a yega na e localidad di e boto, e boto patruyero di Wardacosta a touw e boto cu dos persona na bordo. Wardacosta a hiba e boto na Barcadera, caminda White Cloud por a mara safe.

Wardacosta ta avisa doñonan di boto pa hasi mantencion regular na nan botonan. Pa nan propio seguridad na bordo mester tin: sufisiente chaleco di salbabida, un flashlight cu bateria y un pito, un

EHBO kit, suficiente awa, aparato pa paga candela, VHF radio of un cellular full di charge. Evita e chens di un accidente of situacion peligroso riba lama kubo boto of seadoo. Den caso kubo mester di yudansa bo por yama Wardacosta riba 913 of e whatsapp number 005999 510 0913. Gosa di lama y beachnan na un manera safe.