E Famoso ‘Aruba sign ta haya un lugar nobo e siman aki

ORANJESTAD – E ‘Aruba’ sign iconico asina conoci riba nos isla, e weekend aki ta haya un lugar nobo. Diahuebs anochi por a mir’e riba un flatbom den transito, rumbo pa su lugar nobo. Noticiacla a compronde cu e lugar nobo, no ta mucho leu, y cu e lo tin un lugar basta visible banda di un hotel. Su prome sitio tabata pa hopi tempo dilanti di Bestuurskantoor, y despues a hala esaki pa e tereno di waf, pafo, unda cu aki e la haya un sitio basta apropia, unda cu esnan cu saca potret cu e letrero, tabata haya hopi biaha como backdrop, un bapor crucero. 

LUGAR NOBO

Noticiacla a compronde di esnan responsabel pa e borchi, cu e lugar nobo lo ta den Oranjestad mes, riba e yerba banda di e restaurant Casa Tua na Renaissance Marketplace. Esey lo bira su lugar nobo y a compronde cu dentro di e siguiente dia(nan), e lo keda cla pa bira un atraccion atrobe,  pero na su lugar nobo.