Poder di compra di clase medio ta bira mas malo pa motibo di gastonan di transporte halto

ORANJESTAD – E mas reciente reporte di Banco Central di Aruba, titula Governing from the Future – Leading with Equity, ta mustra cu precisamente e clase medio ta caba den mas presion pa motibo di inflacion cu ta sigui subi,  specialmente pa motibo di gastonan di transporte cu ta yega mas halto constantemente.

Den e nota di prensa cu ta acompaña e reporte, ta papia so vagamente di un “middle class squeeze”. Pero den e reporte mes, investigadornan ta papia eksplisitamente di un riesgo pa estabilidad sosial di Aruba.

RIESGO SOSIAL

Den e reporte ta indica cu esaki no ta solamente un problema económico, pero tambe un riesgo social. Segun e investigacion, si clase medio ta bai bahando, esaki ta crea mas tension den sociedad, menos confianza den politica y ta amplia e buraco entre hende rico y hende pober. E situacion aki ta toca directamente  stabilidad social di Aruba.

Esaki ta contraste cu e nota di prensa, caminda Banco Central ta presenta e estudio manera un bishita den futuro, mientras e reporte mes ta mustra cu e efecto di inflacion y perdemento di poder di compra ta sinti awor mes den bida diario di hopi xas.

E analisis ta pone cla cu presion economico riba e clase medio no ta un fenomeno temporal, sino un desaroyo  structural cu, sin medida corektivo, por trece mas desastre sosial, problema di debe y un economia menos resistente.