Stadion y orario pa partidonan di Corsou pa Mundial 2026 ta conoci

WASHINGTON – Despues cu diabierna a tuma lugar e sorteo pa Mundial 2026, diasabra mainta a wordo revela orario y stadion pa tur e partidonan di e torneo.

Corsou:

Nan prome partido contra Alemania lo tuma luga dia 14 di juni,   1or di atardi, den NRG Stadium na Houston.

Nan di dos partido contra Ecuador lo ta dia 20 di juni,  8or di anochi, den Arrowhead Stadium na Kansas City.

E di tres partido den fase di grupo contra Costa di Marfil lo ta dia 25 di juni, 4or di atardi, den Lincoln Financial Field. E stadion aki ta conoci pa hopi hungadonan internacional di seleccion; Corsou mes a hunga ei kontra Merca den kwartfinal di Gold Cup 2019.

Un hecho interesante: seleccion di Corsou y Hulanda lo hunga riba mesun fecha den fase di grupo.

Pa Hulanda:

Dia 14 di juni lo topa Hapon ora 4or di atardi.

Dia 20 di juni lo hunga ora 1or di atardi contra e ganadodi playoff europeo (B).

Mientras cu dia 25 di juni nan lo topa Tunesia 7or di anochi.