Tension entre Merca y Venezuela por dal economia di islanan hulandes den Caribe hopi duro

DEN HAAG - Preocupacion riba Aruba, Boneiru y Corsou ta aumentando awor cu tension entre y Venezuela a subi. Un posible confrontacion militar por afecta economia di islanan hopi duro. Desaroyo di onestabilidad den region por tin efecto negativo directo riba turismo y economia di islanan, segun Eric van der Burg, vocero di asunto exterior pa VVD den Tweede Kamer, a bisa den e programa BNR De Werld.

Casi un cuart di flota Mericano ta staciona den region awor, incluyendo e mas portavion mas grandi di mundo, siete barco di guerra, un submarino nuclear y 95 aeroplano F35. Si bo mira cuanto avion ta eynan, nan no ta destina pa sconde un boto chikito for di awa, asina Van der Burg ta bisa.

RISICONAN

Transito entre islanan y Venezuela ta intensivo. Den dia bon bo por mira for di dos banda, hopi cla, specialmente botonan chikito cu ta transporta mercancia  manera berdura. Esaki ta pone e situacion mas riesgoso awor, Van der Burg ta bisa. Tambe transito di persona entre islanan y Venezuela ta sigui bira mas riesgoso. Ademas, Trump recientemente a cera e espacio aereo riba Venezuela. Si nan realmente ta tuma medida y ta mantene un zona sin buelo, por limita accesibilidad di islanan ainda mas, segun vocero di relacionan exterior.

Economia di e islanan ta fragil dor di dependencia fuerte riba turismo, principalmente bishitantenan Mericano na Aruba. Pa motibo di inestabilidad den region, por tin efecto negativo inmediato riba turismo y economia di islanan.