Minister Gerlien Croes na MEP riba deadline : Mi buchi tambe ta yena!

ORANJESTAD – Minister Gerlien Croes (Partido FUTURO) a contesta partido MEP diahuebs riba e ultimatum (deadline) cu e partido geel a pone p’e riba e biahe cu jet priva. MEP a pone e ultimatum pa e minister divulga con e la paga pa e jet priva pa Corsou recientemente. Croes sinembargo, riba su pagina di Facebook a bis’e cu e tin cu preocupa cu aangifte contra e partido mes. ‘Apreciabel comunidad di Aruba, mane nos ta bisa na papiamento crioyo "mi buchi tambe ta yena"  e unico deadline cu Partido MEP y su lider Evelyn tawata tin ta 6 di december 2024,  ora cu pueblo a fada di politiconan cu ta mal usa fondonan di pueblo” e ta cuminsa na bisa.

DEADLINE   

Segun e minister, e deadline cu nan (MEP:red)  tin cu preocupa cu ne ta esun cu e instancianan concerni di investigacion tin pa haci riba tur boso "abusonan" cometi, entre otro 9 miyon florin cu 1 bufete a gana den 6 aña di tempo. “Adhunto 1 di e varios aangiftenan cu sra. Evelyn Wever-Croes y su partido mester worry cu ne cu a ser entrega cu tur documentacion augustus ultimo. Tur esaki bou di su gabinete y liderazgo!” e ta sigui bisa. Y finalmente, “ta basta cu politica barata, ta basta cu insinuacionan infunda. Kisas consenshi ta remorde boso! Ami ta bai sigui traha pa Aruba, na su bienestar real!  Ami ta traha cu amor pa mi pais, mi no mester di nada! ATA AANGIFTE KI!”.