Salario minimo di Aruba ta drenta na vigor 1 januari 2026 oficialmente

ORANJESTAD – E ley nobo tocante salario minimo na Aruba lo drenta oficialmente den vigor dia 1 di januari 2026. Esaki ta cla den Afkondigingsblad 2025 no. 34, caminda e desicion pa pone den vigor e cambio anterior den landsverordening salario minimo a wordo publica. Cu e desicion aki, e ley di Afkondigingsblad 2025 no. 27 ta wordo formalmente activa. Den e ley nobo ta wordo establece cu e salario minimo lo wordo fiha pa ora, enbez di pa dia, siman of luna manera tabata antes. Sin e  desicion formal, e cambio juridico ainda no tabata den vigor.

E salario minimo ta wordo fiha na 11,58 florin Arubano pa ora pa trahadonan di dieciocho aña y mas. Doñonan di trabhou ta obliga pa paga nan trahadornan alomenos e cantidad for di 1 di januari 2026.

Publicacion di Afkondigingsblad no. 34 ta nifica cu implementacion di salario minimo awor ta definitivo. Te awor tabata solamente e ley mes cu tabata aproba, pero tabata falta e desicion cu ta determina e fecha exacto di entrada den vigor.