Rey Willem-Alexander preocupa cu e situacion den Caribe pa islanan ABC

DEN HAAG - Rey Willem-Alexander ta preocupa pa e situacion den area Caribe y pa e habitantenan di Aruba, Corsou y Bonaire cu e tension entre Venezuela i Mercay ta spera cu esaki rapidamente por disipa. „Nos ta sinti gran  preocupacion pa loke ta pasa aya,”   e rey a bisa na medionan Hulandes riba e ultimo dia di nan bishita estatal di tres dia na Surnam.

Willem-Alexander a bisa cu e ta spera cu ‘e ley internacional ta wordo respetaá’ y cu ta haya un forma bon pa wak con nos por proteha nos mes contra e  abusonan cu por tuma lugar cu por impacta nos islanan. E la bisa cu kier keda den contacto cu Merca pa sigui informa riba situacion.

Merca a aumenta su presencia militar den area Caribe e simanannan pasa pa pone presion riba gobierno di e presidente Venezolano Nicolas Maduro. Tin amenasa di guerra. Segun e presidente Donald Trump, Maduro ta implica den e suministro di droga ilegal pa Estados Unidos.