Tur ekipo pa e temporada nobo di Formula 1 ta conoci: Solamente Tsunoda ta desaparece

AMSTERDAM – Tur ekipo pa e proximo temporada di careda di auto professional di Formula 1 pa 2026 ta completo. Entre esnan mas popular, tin Red Bull cu a anuncia e piloto pa nan dos teamnan di Formula 1 e siman aki. Cu Cadillac tin un team nobo ta drenta den e competencia, y pesey aña otro lo tin 22 auto riba e startgrid enbes di 20. Audi ta nobo tambe como suceso di Sauber.  

RED BULL

Red Bull Racing: Max Verstappen ta cu Isack Hadjar. Cu Verstappen (28), Red Bull ta tin aña otro un campeon mundial den nan team. Aunke e hulandes a laga compronde cu si e no gusta e reglanan nobo, e por sali for di Formula 1 sin problema. Den temporada cu ta bin, Verstappen lo tin Isack Hadjar como compañero di team. E hungador franses di 21 aña ta bay Red Bull despues di un temporada debut fuerte na Racing Bulls, y ta sigui Yuki Tsunoda. E japones no a logra cumpli cu e speransa aki, despues cu e la remplasa Liam Lawson despues di dos carrera.

RACING BULLS: LIAM LAWSON Y ARVID LINDBLAD

Racing Bulls ta sigui cu Liam Lawson (23), mientras cu Isack Hadjar ta bai hasi promocion pa Red Bull Racing. E lo wordo remplasa pa e talento di 18 aña Lindblad. E sueco britanico ta bin for di Formula 2. Ey e ta na sexto lugar den e clasificacion, hopi patras di e hulandes Richard Verschoor cu ta nummer tres.

CADILLAC: SERGIO PEREZ Y VALTTERI BOTTAS

Cu llegada di Cadillac, un team mericano, tin dos auto extra lo sali riba e pista aña otro. Nan lo wordo maneha pa dos veterano di Formula 1: Sergio Perez (35) y Valtteri Bottas (36). E mexicano Perez a participa na 281 carrera den servicio di Sauber, McLaren, Force India, Racing Point y Red Bull Racing, cu seis victoria. E finlandes Bottas ta bolbe na e deporte despues di tabata como piloto di reserva na Mercedes pa un aña. Como piloto di Williams, Mercedes, Alfa Romeo y Sauber, e la corre 246 grand prix te awor, y diez bez e a cruza e meta como ganador.