Presidente Trump ta reuni na Cas Blanco dialuna atardi riba situacion Venezuela

WASHINGTON -Presidente Trump ta reuni na Cas Blanco dialuna atardi riba situacion Venezuela . Miembro importante di gabinete di Trump y team di seguridad nacional, incluyendo Secretario di Defensa Pete Hegseth, Chairman di Joint Chiefs of Staff General Dan Caine y Secretario di Estado Marco Rubio ta spera pa ta presente, igual cu jefe di staff di Cas Blanco Susie Wiles y sub-jefe di staff Stephen Miller.

E reunion, cu ta tuma lugá 5 or di atardi ET den Oval Office, ta bini na un momento cu Merca a aumenta su presion riba Venezuela cu atake riba botonan di droga y un acumulacion di ekipo militar den Caribe. Ehercito di Merca a acumula mas cu un dozena barconan di guerra y 15.000 solda den region como parti di loke Pentagono a nombra “Operacion Southern Spear”.

E presidente tabata bisa tambe siman pasa cu Merca lo para trafico di droga Venezolano via tera, ademas di via laman, “pronto”.