Avianca afecta pa problema cu Airbus, y ta cancela buelonan pa Aruba tambe

BOGOTA – For di diahuebs atardi 28 di november, Avianca a anuncia cu lo pone na marcha medidanan special pa yuda pasaheronan afecta dor di suspencion temporal di operacion di avionan A320, cu su fabricante a pidi pa “para inmediatamente e buelos” pa un update urgente di software.

Segun Airbus a splica, un incidente recien cu un avion di e famia A320 a mustra cu “radiacion fuerte di solo por corrompe datonan crucial pa funshonamento di e control di buelo.” Despues di analiza e situacion, e fabricante a haña cu “un cantidad significativo di aeronanf” di e tipo aki por ta afecta.

ARUBA

Aruba tambe a keda afecta unda cu buelonan di Colombia pa Aruba a keda cancela awe diasabra caba, specificamente buelo for di Bogota. No ta conoci si lo tin mas cancelacion pa Aruba.