Hof ta condena Aruba pa trahamento lento den caso di asilo

ORANJESTAD – Corte a duna un inversionista razon den un conflicto largo tocante un proyecto di miyonan di real estate na Aruba. Corte ta confirma cu e inversionista a haya control legal riba e proyecto y cu e otro partidonan por wordo haci responsable pa daño. E caso ta gira rond di e  proyecto Serena Residence na Seroe Colorado. Na 2021, tabata tin riesgo cu e proyecto lo wordo bendi den un subasta hudicial pa motibo di un debe pendiente. E benta a wordo preveni despues cu partidonan a firma un acuerdo di cooperacion, unda inversionista Massari a tuma riba dje e financiamiento.

ORANJESTAD – Un paso clave a wordo tuma den e proceso pa introduci un ley di Reino nobo riba extradicion entre Aruba, Corsou y Sint Maarten. Raad van State van het Koninkrijk a evalua e propuesta y no a haya ningun problema di contenido, loke ta habri caminda pa e siguiente fase politico. E documento oficial ta mustra cu e propuesta di ley – cu ta regla con paisnan dentro di Reino lo coopera den extradicion di sospechoso y condena – a wordo revisa sin critica sustancial. Esaki ta un señal fuerte cu juridicamente e base di e ley ta solido.

ORANJESTAD – Un desicion importante di Corte den prome instancia diaranson a pone luz riba un conflicto grandi den sector petrolero na Aruba, unda un ex-director Richard Lacle, a sali ganador parcialmente despues di un bataya legal cu su ex doño di trabou.   Segun e faylo pronuncia 8 di april 2026, corte a determina cu e acusacionnan serio cu companianan RDA, FMSA y TDEA a hasi contra nan ex-director no a wordo comproba suficientemente. Aunke cu e acusacionnan tabata grave — incluyendo mal  administracion, falta di transparencia y problema financiero — corte a conclui cu no tin base solido pa considera esakinan como motibo urgente pa despido. Sin embargo, e caso no a termina completamente na favor di e ex-director.

ORANJESTAD – Gobierno di Aruba por coregi un error den escala di salario di un funcionario despues, aunke e funcionario perdi perspectiva pa subi na un escala mas halto. Esaki a wordo determina pa e Conseho di Apelacion den Asuntonan di Funcionariato den un caso riba un empleado administrativo na Directie di Salubridad Publico. Den e decisionnan original for di 2015 y 2024, tabata indica cu e funcion tabata valora como maximo riba escala 6. Gobierno despues a coregi esaki pa escala 5, pasobra e mencion anterior tabata basa riba un error. E funcionario involucra a opone contra esaki y a argumenta cu su trabounan tabata mas pisa y cu durante añanan el por a confia cu progreso pa escala 6 tabata posible.

ORANJESTAD – Rednan criminal ta recluta y controla hubentud cada biaha mas via canalnan digital en bes di riba caya. E desaroyo aki ta central den un entrenamiento riba trata di hende y explotacion criminal cu lo wordo organiza riba 24 di april na Aruba pa profesionalnan for di region caribeño.

ORANJESTAD - Diahuebs merdia Corte a duna sentencia (di 30 pagina largo) den e caso conoci bou di e nomber Caret. Ta trata e caso unda cu dos agente policial a tira 20 biaha riba e hoben Ayden Lanoy, cu consecuencia fatal. Ambos polis Violenus y Dirskz a keda sentencia na un castigo de prizon di tres aña, di cual un aña condicional cu un temporada di prueba di un aña. Esaki kier bisa cu si e persona(nan) no comete ningun otro delito durante un aña, nan no mester cumpli e ultimo aña di prizon. E decision a wordo basa riba e prueba cu a wordo presenta den caso. Otro acusacionnan no a wordo comproba, y pa esey e sospechosonan no ta culpabel di esakinan.