- Corsou a keda selecta den grupo E, cu Alemania, Ecuador y Costa di Marfil pa mundial 2026
- Debi na crisis den region, prome minister di Corsou, Pisas tambe a cancela biahe pa Hulanda
- Sorteo mundial di futbol: Hulanda contra Japon, Tunez y un otro campion di play-off cu ainda no ta conoci
- Corte a dicidi: Dos ‘spiritonan’ den caso Flamingo mester paga placa bek
- Copa Airlines y Wingo tambe ta suspende vuelo pa Caracas
Cft: Islanan BES mester di enfoke pa fortalece capacidad di implementacion
DEN HAAG – Durante deliberacionnan cu e Colegionan Ehecutivo di Boneiro, Sint Eustatius y Saba, Colegio di supervision financiero di Boneiro, Sint Eustatius y Saba (Cft) a pidi atencion pa e necesidad di fortalece e capacidad di implementacion di e Entidadnan Publico. Esaki ta necesario pasobra e presupuestonan di e islanan a aumenta considerablemente desde 2010. Cft ta enfatisa e importancia di un presupuesto realistico, den cual – mas cu antes – ta tene cuenta cu e limitenan di e capacidad propio di implementacion. Principalmente den caso di Boneiro e ambicionnan no ta cuadra cu e implementacion di e presupuesto.
CAPACIDAD DI IMPLEMENTACION
Capacidad di implementacion ta mas cu e capacidad so. E tambe ta rekeri gobierno stabiel y procesonan cla di tumamento di decision. Ademas, ta importante pa maneho financiero ta na ordo, pa asina administracion por haci ahuste na tempo. Creacion di suficiente capacidad di implementacion no ta tarea facil, considerando e escala di e islanan. Sin embargo, priorisacion si ta yuda.
Cft a presenta su analisis tocante di e capacidad di implementacion di e Entidadnan Publico na e Colegionan Ehecutivo y e Consehonan Insular, loke a mustra e siguiente:
CAPACIDAD DI IMPLEMENTACION DI BONEIRO NO TA SUFICIENTE
E capacidad di implementacion di Boneiro riba casi tur area ta insuficiente. Desde un punto di bista financiero-economico, e cantidad grandi di pagonan special di cual e termino a caduca ta preocupa Cft, pasobra esakinan ta fondonan cu por keda recupera y p'esey nan no ta beneficia pueblo di Boneiro. Banda di esaki, Cft ta mira un fuerte crecemento di e reservanan aloca y gastonan cu no a ser inclui den un presupuesto adopta. Ta importante pa Boneiro priorisa gobernacion stabiel y fortalecemento di e capacidad di implementacion den henter e organisacion. Ta un hecho cu e poblacion a crece hopi, y e presupuesto a dobla den un plaso di cinco aña. P'esey, Colegio ta compronde e complehidad di e tarea cu e sistema tin pa sigui e crecemento aki.
E mensahe central cu Cft a duna na Colegio Ehecutivo ta: "Enfoca riba loke mester haci, y haci esaki adecuadamente!", sino, na final e ciudadanonan di Boneiro ta esnan cu ta keda perhudica.
ST. EUSTATIUS TA RIBA BON CAMINDA PA TA ‘IN CONTROL’
E capacidad di implementacion di Sint Eustatius ta crece visiblemente. Cft ta constata cu den e aña pasa, Sint Eustatius a tuma pasonan grandi den mehoracion di maneho financiero. Un logro importante ta e hecho cu tocante di e cuenta anual pa 2024, Sint Eustatius a haya un declaracion aprobatorio di auditor, pa prome biaha. Banda di esaki, Sint Eustatius ta trata e reservanan aloca cu cautela. Esfuerso persistente y apoyo amplio riba tur area ta keda necesario, pasobra e recuperacion ta fragil y debi na e cantidad grandi di vacatura, e operacion di e aparato civil ta keda vulnerabel. P'esey, e mensahe di Cft pa Sint Eustatius ta: "Continua riba e caminda pa ta ‘in control’”.
SABA: CAMINDA UN ISLA CHIKITO POR TA GRANDIOSO
E capacidad di implementacion di Saba ta na ordo pa mayor parti. Tin continuidad di calidad riba posicionnan clave, tin disciplina presupuestario solido y a duna declaracionnan aprobatorio pa e cuentanan anual varios biaha. Por lo pronto, e isla BES mas chikito ta esun cu ta logra mas. P'esey, e mensahe central di Cft pa Saba ta: “Keep up the good work!”
Ley pa amplia eilandsraad y bestuurscollege di islanan BES ta bai pa Tweede Kamer
DEN HAAG - E propuesta di ley pa amplia eilandsraden y bestuurscolleges di Boneiru, Sint Eustatius y Saba ta bay pa Tweede Kamer. Den e conseho di minister ta aproba e propuesta aki di secretario di Estado Van Marum di Asunto Interno y Relacionnan Reino, despues di un conseho di Raad van State. Si e ley ta pasa, e cantidad di miembro di eilandsraad lo subi gradualmente durante e eleccionnan di 17 maart 2027. Boneiru lo haya dos miembro mas (di 9 pa 11), y Sint Eustatius y Saba lo pasa di 5 pa 7 miembro di eilandsraad. Tambe e cantidad di diputado lo crece: Boneiru di 3 pa 4, y Sint Eustatius y Saba di 2 pa 3. E aumento aki ta parti di revision di Wet op de openbare lichamen Bonaire, Sint Eustatius en Saba (WolBES) y a wordo acelera pa baha dilanti.
Marina Hulandes a subi nivel di patruyahe rond di islanan ABC
ORANJESTAD - Marina di Hulanda a subi nivel di patruya rond Aruba, Boneiro y Corsou. Asina e medio hulandes de Telegraaf ta raporta diabierna. E barco naval Zr.Ms. Groningen ta haciendo patruyahe mas intensivo den awa Caribense. E refuerzo aki ta bini despues di tensionnan cu ta subi entre Merca y Venezuela. Asina De Telegraaf ta bisa awe. Segun e publicacion, e despliegue ta un medida preventivo pa proteha awa territorial, navegacion y pueblo local, y tambe pa mustra un presencia di disuasion. E operacion ta enfoca principalmente riba supervisa, coleccion di informacion y por reacciona rapido na incidente pa mantene estabilidad den region.
Merca ta prepara supuesto guera cu Venezuela, mientras huez mericano ta autorisa benta di CITGO Venezuela
HOUSTON — Mientras cu Merca ta preparando pa un supuesto guera cu Venezuela pa por core cu e presidente di e pais, Nicolas Maduro, un huez mericano a autorisa e benta di accionnan di PDV Holding — e empresa madre venezolano di CITGO — na un afiliado di Elliott Investment Management. E decision ta sigui su aprobacion e siman aki di un oferta di US$ 5.9 miyon pa e compania, den un subasta organiza pa Corte pa paga acreedornan relaciona cu Venezuela. Cu esaki, ta pone un luz diferente riba e interesnan cu Merca por tin real pa cu e cambio di poder na Venezuela. E orden di benta ta e ultimo paso legal grandi pa finalisa un subasta cu a dura dos aña, cu ta apunta paga te 15 acreedornan cu tin reclamonan pa default di debe of expropiacion na e pais Sur Americano. Hopi ta pensa cu e intencion di Merca pa cu Maduro, por ta pa desvia di e noticianan petrolero andando aworaki.
Trump a duna presidente Venezolano Maduro un ultimatum duro: Sali awor of si no…
WASHINGTON -Presidente Trump a duna presidente Venezolano Nicolas Maduro un ultimatum fuerte mientras tenshonan ta subi cu e pais Sudamericano — manda e resigna y sali of si no, segun un reportahe impactante. Durante un yamada entre Trump y Maduro, e presidente socialista a pidi cu laga’e mantene control riba ejercito di Venezuela si e ta habri caminda pa eleccion liber den e pais, segun Miami Herald, cu ta referi na fuente. Maduro supuestamente tambe a busca amnestia mundial pa tur su delito cu nan ta atribuye na dje. Rechazo di Trump riba tur dos peticionnan tabata rapido, ora cu e la sigui cu un oferta cu Maduro probablemente no por recusa: sali awor of si no. E combercacion a kibra rapido entre nan, y un politico Mericano a lamente diadomingo cu e “guerra” continuo entre e dos banda ta resultando mas mortal cu Vietnam pa su estado.
Trump ta bisa cu espacio aereo riba y rond Venezuela ta ser cera completamente
CARACAS (Reuters) – Presidente di Merca Donald Trump a bisa diabierna cu espacio di air riba y rond Venezuela lo ta cera completamente. Den un post riba Truth Social, Trump a bisa: “Na tur Aerolinea, Pilots, Dealer di droga y Traficadornan humano, por fabor tuma na cuenta cu e espacio di air riba y rond venezuela ta cera completamente.”
Godwin Friday ta gana eleccion Parlamentario na St Vincent y ta bira prome minister nobo
ST VINCENT - Eleccion general a tuma lugar na Saint Vincent and the Grenadines riba 27 di november 2025 pa eligi 15 miembro di parlamento. E eleccion a resulta den un victoria masivo pa Godwin Friday di partido di oposicion New Democratic Party, cu a gana 14 di e 15 asientonan cu tabatin. Esaki ta e gobierno cu e mayor ganancia pa cualkier partido desde 1989.
Follow NoticiaCla
