Cantante di reggae Jimmy Cliff (81) a fayece

KINGSTON - Cantante reggae di Jamaica Jimmy Cliff a fayese na edat di 81 aña debido na un pulmonia. Cliff tabata un di e musicantenan mas influencia den reggae y ta tin gran exitonan cu I can see clearly now y You can get it if you really want.

Su esposa Latifa Chambers a anuncia su fayecimento dialuna via un mensahe na Instagram riba e cuenta oficial di e artista.

“Cu dolor profundo mi ta comunica cu mi esposo, Jimmy Cliff, a fayese despues di un atake epileptico sigui pa un pulmonia,” segun Chambers. “Mi ta gradici pa su famia, amigo, colega artista y colega cu a comparti e biahe cu dje. Na tur su fan alrededor di mundo: sa cu bo apoyo tabata su forsa durante tur su carrera.”

E mensahe tambe ta wordo firma pa nan yui, Lilty y Aken.