Schiphol ta inverti biyones den terminal nobo y proyecto internacional

AMSTERDAM – Aeropuerto hulandes Schiphol lo inverti biyones den e añanan cu ta bin den un terminal nobo y den renobacion y sostenibilidad di e portanan di embarque cu tin caba. E compania di airport ta mira tambe pa inversionnan na otro paisnan, segun cu FD ta reporta. Segun Joris Melkert, experto den aviacion di TU Delft, esaki ta un pensamiento logico: “Schiphol tin capacidad limita y lo keda limita.”

SCHIPHOL TA INVERTI BIYONES DEN TERMINAL NOBO Y PROYECTO INTERNACIONAL

Schiphol lo pone na banda, cientos di miyones di euro den e añanan cu ta bin pa crecemiento den exterior tambe. Door medio di posibel inversion den airportnan chikito y regional, Schiphol ke diversifica su fuentenan di ingreso y keda presente den sector di aviacion internacional cu ta sigui crece, mientras cu e cantidad di vuelonan riba Schiphol mes ta wordo limita. E no ta bisa si cua aeropuerto esakinan lo ta.