Carnival Miracle ta bolbe bishita Aruba den winter 2026

MIAMI - Carnival Miracle ta na caminda pa bolbe pa Norte America despues cu a caba su temporada di verano den Europa. Esaki ta inclui biahenan pa Aruba. Pa temporada di invierno, e barco di clase Spirit lo sali for di Tampa. Dia 8 di november 2025 e a cuminza un biahe di 14 dia pa cambia ruta. E crucero trans-Atlantico a sali for di Civitavecchia y a bishita destino den España y Portugal manera Cartagena y Ponta Delgada.

CARNIVAL MIRACLE

Despues di siete dia riba laman, Carnival Miracle tambe ta programa pa bishita Nassau prome cu yega Tampa mas laat e luna aki. E barco construi den 2004 lo cuminza un seria di cruceronan di seis te trece dia pa Caribe West y Caribe Zuid.Saliendo y bolbe pa Tampa, e itinerarionan ta inclui bishita na destino manera George Town den Cayman Islands, Costa Maya den Mexico y Oranjestad den Aruba. E temporada ta dura te inicio di april, ora e barco lo cambia ruta pa Seattle pa un temporada di verano den Alaska.

CAMBIA DI RUTA

Despues di un temporada di invierno saliendo for di Galveston, Carnival Miracle a cambia ruta pa Europa den april 2025. E barco a pasa riba dock pa drecha y ahusta varos parti na Spaña prome cu a cuminza un seria di itinerario den Europa Norte na final di mei.