Fin di luna Tweede Kamer ta dicidi si ta sigui trata HOFA of ta declare controversial

DEN HAAG – Fin di luna commission di Tweede Kamer ta dicidi si ta sigui trata HOFA of ta declare controversial. E comision nobo di Tweede Kamer pa Relacionnan di Reino lo reuni pa prome biaha riba 26 di november. Pa awor, Songul Mutluer (GroenLinks-PvdA) ta e persona cu ta dirige e comision. Recientemente e secretario di estado hulandes pa asuntonan di Reino Eddie van Marum, a confirma esaki tambe pa noticia cla, esta si ta sigui negosha riba HOFA of ta pone ‘on hold’ te ora cu e gobierno nobo sinta. Esaki lo ta den prome mitar di 2026. 

 Diaranson miembronan nobo di Kamer a wordo instala, entre nan Heera Dyk, cu di parti D66 a wordo nombra como vocero pa Relacionnan di Reino, y Annabel Nanninga, cu na nomber dJA21 ta drenta den comision di Relacionnan di Reino.

Den e prome reuni di comision lo decidi entre otro si algun dosiernanan manera ley di HOFA, mientras cu ta warda un nobo gabinete, mester wordo declara como controversial.

Pa e miembronan nobo di comision, griffie a prepara un dosier di introduccion basta amplio. Ademay, dia 10 di december nan lo ricibi un briefing tecnico di funcionario di ministerio BZK tocante paisnan CAS y islanan BES.