Ministernan ta evalua si ta intensifica combatimento di droga den region

ORANJESTAD – Ministernan di husticia di Reino ta evalua si ta intensifica combatimento di droga den region. A recorda durante e ultimo Justitieel Vierlanden Overleg cu riba 6 di november 2024, durante e debati di comision tocante e cadenanan di husticia den parti Caribense di e Reino, un motie a ser presenta. E motie aki ta pidi e minister di husticia di Hulanda pa, huntu cu e JVO, traha hacia un plan pa combati e suministro di droga entre otro na Hulanda. “Mi a hiba e tema aki den combersa cu mi coleganan ministro. Hunto nos a dicidi pa cuminza cu un inventario di e cooperacion actual riba e tereno aki. Den e proceso aki lo ta mira tambe e transito di droga pa otro destinacionnan, cu atencion pa tanto e “upstream” como e “downstream disruption”.

PROXIMO REUNION

Durante e proximo reunion di JVO, e ministronan lo discuti riba base di e inventario aki si e cooperacion actual ta suficiente, si mester ahusta of intensifica, of si ta necesario pa agrega trayectonan adicional. Cu esaki, e minister hulandes a duna cumpliemento na e motie pa hunto cu e JVO traha na un plan concreto pa combati e suministro di droga entre otro na Hulanda, y e motie ta considera cumpli. Na momento cu tin resultado sustancial pa comparti, lo e informa Tweede Kamer den e carta semestral tocante criminalidad organiza y socavante. Por lesa e carta complete AKI.