Merca ta limita trafico aereo na 40 aeropuerto grandi di Merca pa motibo di shutdown

NEW YORK - E trafico aereo na cuarenta aeropuerto grandi na Merca lo tin cu wordo limita pa motibo di e shutdown den Merca. Minister  di Transporte Sean Duffy a duna instruccion pa reduci e cantidad di buelo for di diabierna cu 10 porciento.

E impasse entre Republicanonan y Democraatnan tocante e presupuesto gubernamental den Congreso a causa cu 13.000 controlador di trafico aereo y 50.000 empleadonan di e Transportation Security Administration (TSA) mester sigui traha sin salario. Duffy a bisa cu hopi empleado ya ta cuminsa laga sa cu nan ta malo y no ta yega na trabou mas.

Miyones di pasaheronan ya a sufri cu cancelacion y retraso di buelo pa motibo di e falta di personal. E minister a adverti diamars cu si e cierre di e gobierno federal ta sigui un siman mas, por mes ta resulta den “caos masivo”. Den esei caso e por ta obliga pa cera parti di e espacio aereo.