Heera Dijk scohi como vocero nobo pa Relacionnan di Reino pa partido D66

DEN HAAG – E   fraccion nobo di D66 a eligi Heera Dijk como vocero pa Relacionnan di Reino. “Un regalo di cumpleaños”, paso awe e ta celebra su 46 aña di edad. Noticiacla recientemente a entrevista Dijk den e edicion special di Noticiacla LIVE. 

Dijk a logra su asiento den Tweede Kamer diabierna pasa, como numero 18 riba e lista di candidato pa D66. Su partido a sali como e gran ganador cu 26 zetel. Tambe na Aruba, Corsou, Boneiru, Sint Maarten y Saba e democraatnan a haya e mayoria di voto. Durante su combersacion cu e comision di seleccion den e zomer, e a expresa cla cu e lo gusta tin e portafolio di Relacionnan di Reino.

“Mi ta hopi feliz cu mi por ocupa e dossier di Relacionnan di Reino. E islanan ta parti completo di nos Reino, y mi ta mira esaki como mi responsabilidad pa traha for di conexion pa construi un cooperacion sostenible y mas oportunidad pa tur parti di e Reino. Cu mi raiz den e parti Caribeño di e Reino, esaki ta sinti como un gran honor. Mi ta sintimi orguyoso, igual manera mi famia y amigonan for di islanan caribeño, cu mi por haci e trabou aki,” asina Heera Dijk a bisa emociona, cu e  lo sinta pa prome biaha den Tweede Kamer dia 12 di november. Colaboracion cu Dossierkoninkrijksrelaties.nl