Thom de Graaf ta retira como vice-presidente di Raad van State

DEN HAAG - Thom de Graaf lo retira den ocho luna como vice-presidente di e Conseho di Estado, osea Raad van State. E ta haci esaki principalmente pa motibo personal. “Mi no a haña suficiente tempo pa mi bida personal y otro interesnan aparte di trabou,” e a bisa den un comunicado di prensa. E Conseho di Estado ta e organismo cu ta duna conseho na gobierno y Parlamento. Ademas, e ta e tribunal mas halto administrativo di e pais. Segun Constitucion, e Rey ta e presidente di e Conseho di Estado, pero e vice-presidente ta e persona ku tin e administracion diario bou di su man.

ARUBA

E organo aki ta duna conseho tambe riba temanan cu ta regarda p.e. nos isla Aruba. Entre nan, e ta e siguiente den e fase pa check e ley di Reino conoci como HOFA. De Graaf conoce Aruba y su gobernantenan hopi bon, y tin un afinidad cu nos isla. Su retiro sigur lo por afecta Aruba den futuro cercano.