Na Corsou segun FKP mitar di esnan cu ta huur cas, no ta paga

Posted on 11/3/2025 9:52 am AST | Updated on 11/3/2025 9:53 am AST

WILLEMSTAD.– Un di e disputonan cu ta bin hopi dilanti den corte pa tratamento, ta disputa relaciona cu mal pagadornan di huur di caso. Pago di huur di caso aki na Corsou ta un problema serio. Hopi hende ta huur un caso sea di sector priva of di Fundacion Cas Popular (FKP), pero no ta paga, i e loke ta haci e situacion mas dificil ta cu tin ley cu ta proteha e grupo aki, cu ta haci dificil pa desaloha un mal pagador. Un di e entidadnan cu ta keda perhudica seriamente ta FKP. Durante tratamento di un disputa di cobransa di huur atrasa, a sali cla kico ta e dolor di FKP.

FKP tin 5.000 caso den huur, mientras nan tin 8.000 hende riba lista di espera. Di e cinco mil hende cu tin un caso den huur, mitar no ta paga manera mester ta.

Pa falta di capacidad di e huurdo, ta pone cu gobierno debe FKP subsidio di huur, pero na mes momento ta indica cu gobierno tambe ta un mal pagador. E consecuencia ta cu e prijs di huur ta bira na proporshon mas abou. Despues cu desaloja un huurdo, e ta bolbe subi e lista di espera, e biaha aki te abou di lista di 8 mil hende den espera.

Den e raport di FKP relaciona cu atraso di huur, no tin inclui interes legal, prijs di huur no ta indexa, tampoco tin OB calcula. Un cos ta sigur: FKP tin un problema grando. Durante tratamento den caso di un huurdo, corte a busca un apertura rasonabel pa yega na un solucion. E tribunal a haci proposicionnan cu tur esnan presente tabata parse di por biba cu e.

E punto di discusion ta cua condicion of termino e obligacion di pago por keda aplica. Pasobra FKP, como institucion social, a permiti retrasonan cu a bira extremo i inkontrolabel. E desicion cu corte ke impone ta pone cu FKP ta teme pa efecto di presedente. Mester indica cu esaki ta netamente e intenshon di corte. E proposicion impone, ta pa FKP stipula un multa na tur esnan cu tin huur atrasa si nan no desaloja.

Manera menciona, tin aproximadamente mitar di e 5 mil huurdo nan cu no ta paga nan huur den un forma adecuado. Esaki ta requiere un acercamento serio i determina pa atende e grupo aki.

Corte ta di opinion cu si FKP no persisti pa desaloha e mal pagadornan, e ora ei por papia di “dweil cu cranchi habri.”

Ta inaceptabel cu 2.500 huurdo no ta paga bon, mientras 8.000 persona ta warda riba un caso pa huur. Finalmente, wes ta enfatisa cu ta injusto pa esnan cu ta haci nan esfuerzo pa paga nan huur i FKP no ta haci nada contra di esnan cu no ta paga.

Pasashi for di Corsou ta aumenta otro aña debi na aumento di tarifa APIS
WILLEMSTAD – Pasaheronan cu ta sali for di aeropuerto di Corsou lo paga 2,79 dollar di tarifa APIS cuminsando prome di januari di aña 2026. E tarifa ta subi cu cinco cent y lo wordo cobra via e aeroliña den e prijs di e pasashi.
Mas Corsow
Lesa Mas
Gobierno di Corsou ta duna ex gobernador Lucille George-Wout un estatua
WILLEMSTAD – Un artista local ta bai disena un homenahe permanente pa ex gobernador Lucille George-Wout. E obra di arte lo wordo coloca den centro di Willemstad. Esaki a wordo anuncia door premier Gilbert Pisas durante un cena di despedida dia bierna pasa den The Cathedral of Thorns. E homenahe aki mester simbolisa e diesdos aña di servicio di e gobernador y su conexion cu e conseho di ministro, e Reino y mas importantemente cu e comunidad di Corsou.
Mas Corsow
Lesa Mas
Dos cara hoben nobo den seleccion di futbol di Corsou
WILLEMSTAD – Ayer entrenador di e seleccion di futbol di Corsou, Dick Advocaat a presenta dos cara nobo riba e lista definitivo di e seleccion. Ta trata di Deveron Fonville y Jordi Paulina.
Mas Corsow
Lesa Mas
Ruthsella Agueda Jansen nombra como gobernador interino nobo di Corsou
WILLEMSTAD – Ruthsella Agueda Jansen lo bira e gobernador interino nobo di Corsou. E Conseho Ministerial di Reino a nombre segun recomendacion di e Conseho Ministerial di Corsou. Jansen ta reemplasa e actual gobernador interino Michele Russel-Capriles, cual mandato a caba dia 1 di september.
Mas Corsow
Lesa Mas
Na Corsou, pensionadonan ta sali riba caya awe pa indexacion -AOV
WILLEMSTAD – Union di Pensionadonan di Corsou a yama su miembro pa sali na manifestacion awe, pa pidi pago rapido di e indexacion di AOV. Segun e organizacion, e ehecucion di e adaptacion legal di pension di biehez ta sigui falta, mientras cu e gasto halto riba e isla ta sigui pone mas presion riba e pensionadonan. E manifestacion lo cuminsa awe merdia riba 13:30 na parking di Parasasa. For di ey, e participante lo cana te na World Trade Center, caminda lo entrega un carta na minister di Desaroyo Social, Labor y Bienestar (SOAW).
Mas Corsow
Lesa Mas
Na Corsou, personal di Departamento di Impuesto a pone trabou ayera
WILLEMSTAD – Personal di Departamento di Impuesto na Regentesselaan a pone trabou ayera. E empleado nan a keha cu sindicato ABVO tocante un edificio insigur y tambe tocante uso di consultornan externo, segun e matutino Extra.Un reporte di bombero cu a circula riba red social a causa panico tocante seguridad di e edificio. Empleadonan a bisa cu tabatin cuatro incidente caminda plafon a cay: tres den baño y uno den sala di reunion. Ningiun persona no a keda lesiona. Ademas, e trabadornan ta bisa cu tin forma di moho y lugarnan caminda awa ta baha riba muraya.
Mas Corsow
Lesa Mas