- Rutten ta laga su puesto como entrenador di seleccion di Corsou
- Aruba Birdlife Conservation cu caso contra destruccion di naturaleza pa UTV y ATV
- JetBlue ta aumenta buelonan pa Aruba despues di salida di Spirit
- Rekenkamer: Aruba ta informa Hulanda mihor cu su mes Parlamento
- Prome minister hulandes Jetten rumbo pa Aruba durante biahe den Reino
Horcan Melissa a cobra 44 bida na Jamaica y Haiti
MIAMI - E horcan Melissa a causa e morto di 19 persona na Jamaica, segun autoridadnan di e isla. Na Haiti a registra por lo menos 25 morto, mayoria pa motibo di inundacionnan. Na Jamaica, cientos di mil persona a keda sin corriente dor di e horcan. Hopi dak di edificionan a bula bay y tin hopi desecho rond di isla. E ehecito a wordo manda pa yuda. Melissa a yega tera na Jamaica diamars manera un horcan di categoria 5, e categoria mas halto. Esaki ta e horcan mas fuerte na historia cu a dal e isla directamente. Na Jamaica tin mas di 130 caminda cu no por usa pa motibo di palo cu a cay y desecho. E ehercito ta trahando pa limpia nan mas pronto posibel pa cu e servicionan di emergencia por pasa. Tambe un ekipo di rescate Mericano a biaha pa Jamaica. E ciudad portuario Black River, na banda zuidoost, a wordo severamente afecta. Prome minister Andrew Holness a yama e zona “ground zero” di Jamaica.
Haiti no a ricibi e golpe directo, pero dor di e horcan cu tabata move lentamente, a cay awacero fuerte durante varios dia. Den e pueblo Petit-Goave, un riu a sali for di su oriya, loke a causa hopi problema y morto. Tambe e banda este di Cuba a sinti efecto di Melissa. Mas di 700.000 persona a wordo evacua. Tin daño grandi, pero te awor no a wordo reporta mortonan.
Melissa, cu ta move actualmente direccion di Bermuda, a perde forsa entre tanto. E daño financiero den e region caribeño ta wordo estima riba mas o menos 50 biyon dollar.
Mama di Natalee Holloway ta sostene ex-fiscal di caso Vd Sloot Aruba den campaña politico
ALABAMA - Beth Holloway, mama di Natalee Holloway, a expresa apoyo publico pa Lloyd Peeples, e ex-fiscal federal cu a procesa Joran van der Sloot den e caso di extorsion conecta cu morto di su yiya.
Pasahero Mericano y Frances di Hondius a test positivo pa hantavirus
OMAHA - Pasaheronan Mericano y Frances abordo di crucero Hondius a test positivo pa hantavirus. E pasahero Mericano no tabata mustra sintomanan di e virus, segun autoridadnan di salud di Merca.
Homber a cancela biahe pa Aruba di ex socio y ta arresta pa robo di identidad
LONG ISLAND - Un homber di Long Island na Merma a wordo arresta despues cu, segun polis, e la cancela e vakantie di su ex-socio comercial pa Aruba usando su identidad durante un yamada telefonico cu un agencia di biahe.
WHO: Hantavirus no ta Covid y riesgo di pandemia mundial ta abou
WASHINGTON - World Health Organization (OMS) a declara cu hantavirus no ta mescos cu coronavirus y cu, pa awor, no tin señal cu e virus lo propaga riba escala mundial. Durante un conferencia di prensa, director general Tedros Adhanom Ghebreyesus y varios experto a explica cu e forma di contagio di hantavirus ta hopi diferente y cu transmision entre hende ta muy limita.
Iran y Merca ta acusa otro di kibra paro di fuego
WASHINGTON - Iran y Merca ta acusa otro di a kibra e paro di fuego, pero segun presidente Donald Trump, e acuerdo ainda ta na vigor. Ayera anochi y mainta tempran, tabatin varios atakenan den y rond di e Estrecho di Hormuz, mientras cu Emiratonan Arabe Uni tambe a reporta alarma di aire y atakenan cu misil y drone.
Pasaheronan di barco cu hantavirus a wordo evacua: Ta trata di un hulandes, ingles y aleman
AMSTERDAM - Tres persona cu tabata abordo di e crucero Hondius a wordo evacua, segun Organisacion Mundial di Salud (WHO). Dos di nan ta presenta sintomanan agudo di hantavirus, mientras cu e tercer pasahero tabatin contacto cercano cu un otro persona cu presumiblemente a morto pa motibo di e virus.
Follow NoticiaCla
