- AAA: No mester kita sapato mas na aeropuerto ora di screen pa biaha!
- Avion di American Airlines cu a bati alarma prome, a baha bek sano y salvo na Aruba
- Gobierno a anuncia multa y sancion si viola prijs di producto den canasta basico
- Debe di gobierno na banconan a baha considerablemente caba den 2026
- Awe gana 150 mil florin cu Roll Down di Lotto di Dia
Na Aruba, D66 a haya mas voto pa eleccion Tweede Kamer
ORANJESTAD - E centro pa votacion via post den Aruba, Corsou y Sint Maarten a cerra entre tanto. Aruba y Sint Maarten a cuminza inmediatamente despues di cera nan centro cu e conteo di votonan di eleccion pa Tweede Kamer. Na Corsou, e votonan a wordo conta dia 30 di october.
ARUBA
Na Aruba tabatin 852 persona registra pa vota pa e eleccion di Tweede Kamer. Durante e sesion publico a conta 648 voto, di cual 2 tabatin blanco. E mayoria di e votonan a bai pa D66 cu 182 voto, GroenLinks/PvdA cu 125 voto y PVV cu 92 voto.
CORSOU
Na Corsou, 1.722 persona cu derecho pa vota tabatin registra. A conta 1.195 voto, di cual 2 tabatin blanco y 7 tabatin invalido. E mayoria di e votonan a bai pa D66 cu 286 voto, VVD cu 216 voto y GroenLinks/PvdA cu 205 voto.
SINT MAARTEN
Na Sint Maarten tabatin 234 votadornan registra pa vota via e centro di correo. A conta 176 voto, di cual 1 tabatin blanco y 1 tabatin invalido. E mayoria di e votonan a bai pa D66 cu 48 voto, GroenLinks/PvdA cu 25 voto y VVD cu 21 voto.
Gobierno a anuncia multa y sancion si viola prijs di producto den canasta basico
ORANJESTAD - Gobierno di Aruba diahuebs a informa cu lo introduci multa y sancion pa negoshinan cu ta viola e prijsnan oficial di productonan den Canasta Basico. Ministro di Finansa y Asunto Economico, Geoffrey Wever, a indica cu e medida ta parti di maneho di gobierno pa proteha consumidornan y sigura cu precio di productonan di prome necesidad ta wordo respetá.
Debe di gobierno na banconan a baha considerablemente caba den 2026
ORANJESTAD – Gobierno di Aruba a logra baha su debe na sistema bancario local de forma significativo den e ultimo añanan. Esaki ta sali na cla for di cifranan di posicion financiero di gobierno. Na 2022, e debe netto di gobierno na Centrale Bank y banco comercialnan ainda tabata 353 miyon florin Arubano. Na 2023, e cantidad ey a baha pa 234 miyon florin, y na 2024 e a baha ainda mas te poco mas cu 208 miyon florin. Durante 2025, e debe a sigui baha te casi 56 miyon florin. Na cuminsamento di 2026, e posicion a mehora ainda mas. Segun cifranan di januari, solamente 4,8 miyon florin di debe netto tabata keda.
Wever-Croes ta pidi claridad riba eliminacion di Departamento di Mucha y Hoben
ORANJESTAD – Parlamentario Evelyn Wever-Croes a presenta preguntanan parlamentario na ministro di Educacion tocante eliminacion di Departamento di Mucha y Hoben (DMH), e instancia cu tabata encarga cu supervision riba centronan di cuido di mucha na Aruba.
Universidad di Aruba a entrega plan strategico na minister
ORANJESTAD - Awe Universidad di Aruba a comparti cu nos nan plan strategico pa 2026-2035 y nan relato financiero di aña 2024. Nos a dialoga encuanto e vision di universidad, acreditacion y areanan di enfoke pa e periodo nos dilanti. Sigur un reunion hopi inspirativo pa loke ta trata e paisahe di educacion superior riba nos isla
MEP kier encuesta parlamentario contra minister pa asunto di avion priva
ORANJESTAD – Fraccion di MEP den Parlamento ta considerando pa inicia un encuesta parlamentario contra minister Gerlien Croes, pa haya claridad riba cuestionnan tocante su conducta, entre otro su presunto biahe den un jet priva.
Rotonde dilanti Cas di Cultura ilumina color patriotico den marco di celebracion nacional
ORANJESTAD - En conexion cu e celebracion di 40 aña di Status Aparte y 50 aña di Himno y Bandera di Aruba, e rotonde conoci como “Las Americas”, situa riba e ruta entre aeropuerto y e area hotelero, a wordo ilumina cu luz blauw como simbolo di orgullo nacional y union.
Follow NoticiaCla
