Cantante hulandes ta nenga acusacionnan den caso di violacion sexual di hoben

DEN HAAG - “Mi ta contento cu mi por conta mi historia awe,” Marco Borsato a bisa awe despues di a yega corte na Utrecht. E cantante di 58 aña ta wordo acusa pa Ministerio Publico di agresion indecente riba un menor di edad. Supuestamente Borsato a toca un mucha muhe di 15 aña riba su rudia, pechunan y vagina, tanto riba como bou di su paña. Tambe supuestamente el a pone mishi cu su mes genitalnan. E cantante ta nenga cu esaki a sosode. “Esaki no a sosode. Esaki ta e acusacion di mas serio cu bo por haci na mi,” un Borsato emociona a bisa e hues. “Bo por saca e figuranan di cera for di e museo y smelt nan, bo por kita mi musica for di radio, pero esaki ta dal den e nucleo di ken mi ta.”

‘ROL PATERNO’.

E caso ta concerni  e yu muhe di e presidente di e club di fanatico di Borsato, kende finalmente a traha p’e full-time. Borsato tabata hopi enbolbí cu e famia, cu tabata luchando cu varios asunto, e ta bisa. Borsato ta describi con gradualmente el a tuma un rol mas paternal. E tata di e mucha tabata depresivo. Despues di su morto, e lasonan entre Borsato y e famia a bira mas estrecho ainda. E ta bisa cu el a trata e mucha muher manera su mesun yiu. “Si, mi a frega su pianan, mescos cu mi ta haci cu mi mes yiunan. No tin absolutamente ningun conotacion sexual su tras.”