Aruba ta investiga su futuro den Reino Hulandes

ORANJESTAD – Aruba ta participa den un investigacion tocante e futuro di e Reino di Hulanda. E investigacion ta considera diferente scenario pa e islanan caribense. E estudio ta concentra riba e status di e llama LGO’s (Landen y Gebieden Overzee) y UPG’s (Ultra-Perifere Gebieden).

UNIVERSIDAD DI CORSOU TA EHECUTA E INVESTIGACION

E investigacion ta wordo ehecuta pa Universidad di Corsou. E team ta pone na mapa e bentaha y desbentaha huridico, economico y gubernamental pa cada isla. Den juni 2024, e Tweede Kamer a aproba un mocion di e miembronan White y Paternotte, caminda e gobierno a wordo pidi pa traha hunto cu e islanan BES y Aruba pa investiga e status actual y posible scenarionan pa futuro. Acesornan di Ministerio di Relacionnan di Reino ta representa Aruba den e grupo di direccion.

INVESTIGACION TA DURA TE JANUARI

E proyecto lo dura te final di januari 2026. E investigador nan ta bisa cu nan metodo ta mas amplio y profundo cu investigacionnan anterior tocante e partinan caribense di e Reino. E meta ta pa presenta un vision fundamenta riba e futuro di e partinan caribense di e Reino.