Tormenta Benjamin na Hulanda a pone hopi vuelo cancela na Schiphol

SCHIPHOL - Pa motibo di tormenta Benjamin, anochi hopi vuelo ta wordo cancela na Schiphol, aeropuerto di Hulanda. Pa motibo di bientonan fuerte cu ta spera, pasaheronan mester tuma na cuenta cu retraso. Na aeropuerto di  Rotterdam  tin solamente un vuelo cancela te awor, pero tambe tin retraso den vuelo cu ta yega.  

Den provincia costero occidentalnan ta aplica  codigo oranje  desde mainta. Inicialmente e advertencia di tempo aki tabata spera pa drenta na vigor den anochi, pero e  instancia hulandes di tempo, KNMI  a dicidi pa pone  codigo oranje  vigente mas tempran.  

Na Zeeland  e advertencia ta conta for di 14.00 ora, den  Zuid-Holland  for di 15.00 ora, den  Noord-Holland  for di 18.00 ora y riba  Islanan Wadden  for di 20.00 ora. E dos regionnan ultimo lo sinti efecto tambe mañan mainta, motibo pa cual codigo oranje  lo keda vigente ey.