- Doño di Tesla, Elon Musk por gana un bonus di 1 biyon dollar
- Colaboracion pa aumenta exito di estudio pa studiantenan Caribense ta haya continuacion
- Ajax a despedi entrenador su John Heitinga despues di mal cuminsamento di temporada
- Minister Croes a firma acuerdo na Bonaire pa Vierlanden Overleg Enseñansa y Cultura
- Gobierno di Aruba a emiti conseho di biahe negativo pa Venezuela y Haiti
Boston Red Sox tambe ta planea pa laga Chadwick Tromp bay
BOSTON – Boston Red Sox no ta bay tene e arubiano Chadwick Tromp, sino lo lague bay y bira agente liber. Nan a firma Tromp na juli ultimo, den intento pa e bira e di 3 catcher pa yuda e novato Narvaez. Pero e no ta parce di ta produciendo suficiente.
FIRMA NA JULI
Riba 29 di juli, e Red Sox a haci un intento nobo, pa firma e veterano di seis aña Chadwick Tromp cu un contrato di liga menor y a mande pa Triple-A Worcester. Tromp, cu tin 30 aña, tin solamente 67 partido di experiencia den su carrera den Grand Liga, y solamente ocho den e temporada aki — dividí entre Atlanta Braves caminda e a hunga dos partido, y Baltimore Orioles. Tromp a logra solamente tres hit den 21 turno na bat den e ocho partido — pero un di e hitnan tabata un home run, y otro un double.
ORIOLES
Riba 25 di juli, tabata Baltimore Orioles cu a manda Tromp na su filial di Triple-A den Norfolk, Virginia**, pero e hungador cu a wordo firma internacionalmente pa Cincinnati Reds den 2013, a eligi pa bira agente libre enbez di bay Norfolk. Cuater dia despues, Red Sox a firma Tromp y a manda e pa Worcester. Tromp tabata eligi pa bira agente libre mas tempran den e temporada tambe, despues cu e tabata manda afo pa lista di liga menor pa Atlanta Braves. Basá riba su historial di preferencia pa bira agente libre, e ta spera di bira agente libre atrobe den e proximo simannan, laga e Red Sox y intenta firma cu un otro organizacion. Cu Tromp ta bati solamente .135 y cu un OPS di 350 den 28 partido pa Worcester, ta hopi probable cu e Red Sox no lo haci esfuerzo pa retene e. Den realidad, Xander Bogaerts (San Diego Padres) y Tromp ta e unico dos hungador di Aruba cu ta pertenese na Reino di Hulanda cu ta hunga den beisbol profesional na Merca actualmente. Nan dos ta parti di solamente seis Arubiano cu a hunga den MLB.
Desicion tin cu cay pronto unda e wega di futbol entre Corsou y Jamaica lo bai tuma lugar
WILLEMSTAD – Despues di e enorme destruccion cu horcan Melissa a laga atras den various parti di Jamaica, mesora a cuminza pensa riba unda e wega crucial entre Corsou y Jamaica lo bai tuma lugar. E wega aki ta plania pa tuma lugar dia 18 di november na Kingston, Jamaica.
COA a ricibi bishita di hobennan cu lo participa den e campeonato mundial di Robotics
ORANJESTAD – Recientemente COA a ricibi un bishita unda Oriana Paneflek, Ruarth Lampe y Guiyan de Nobrega di “The STEM Embassy” a bishita oficina di COA. Aki Nicole Hoevertsz a duna un tour di e edificio, ademas di duna un splicacion amplio y general di Olimpismo y Aruba su historia dentro di esaki. “The STEM Embassy” a crea e ekipo di Robotics cu lo representa Aruba na e competencia Internacional cu yama “FIRST Global Challenge” cu ta tuma luga na Panama City-Panama, otro siman. Remarkabel ta cu e hobennan aki ta studiante di “middelbare school” y ta atende Colegio Arubano. E ekipo lo wordo acompaña door di LeAnn Tromp y Jillian Oduber.
Futbolista hulandes Terence Groothusen a wordo yama pa reforsa seleccion di Aruba
ORANJESTAD - E hungador di futbol profesional hulandes di Olympia Haarlem, Terence Groothusen, a wordo yama atrobe pa representa seleccion nacional di futbol di Aruba. E delantero a wordo selecciona pa e proximo partidonan cu ta tuma luga bou di e nobo Concacaf Friendly Series, un competencia destina pa paisnan cu a wordo elimina for di e clasificacion pa e Copa Mundial.
Yiu di Corsou Ceddanne Rafaela ta gana e Fielding Bible Award pa prome biaha
BOSTON – Ayera a anuncia e diferente ganadornan di e Fielding Bible Award, cu ta e premio pa e mihor hungador defensivo na kada posicion den Liga Grandi. E yiu di Corsou, Ceddanne Rafaela, a gana e Fielding Bible Award como e mihor centerfielder defensivo den Liga Grandi. Esaki ta e prome Fielding Bible Award den e carrera di Ceddanne Rafaela. E a bira tambe e di tres yiu di Corsou pa gana e premio aki. Andruw Jones a gana un Fielding Bible Award, mientras Andrelton Simmons a gana seis. Den historia di e premio, Simmons ta e di dos hungador cu mas biaha a gana e Fielding Bible Award. Solamente Mookie Betts, cu ayera a gana su di shete, tin mas cu e shortstop yiu di Corsou.
Sarah-Quita Offringa ta scibi historia cu titulo di Aloha Classic y su di cinco titulo mundial consecutivo
Maui – Sarah-Quita Offringa a skibi historia atrobe, ganando su di cuater titulo di **Aloha Classic** (2016, 2019, 2023, 2025) y iguala asina e record di Angela Cochran , cu a gana den 1989, 1990, 1991 y 2000. Den un giro casi poetico di e destino, Cochran a yega atrobe na final e aña aki, mas cu cuarenta aña despues di su prome titulo. Pa Offringa, e victoria aki no ta solamente un otro trofeo, sino tambe su di cinco titulo mundial consecutivo den e disciplina di Wave . Asina e ta sigui fortifica su reputacion como e windsurfer muhe mas completo y dominante di e epoca moderno. Den total, e tin awor 28 titulo mundial , un lista di honor sin igual cu ta fija definitivamente su nomber den e historia di deporte.
Hungador di futbol hulandes Frenkie de Jong (28) ta prolonga su contrato cu FC Barcelona
BARCELONA – Frenkie de Jong (28) a prolonga su contrato cu FC Barcelona te medio 2029. Esaki a wordo anuncia diaranson pa e club Catalan. E acuerdo actual di e mediocampista, cu a pasa di Ajax pa Barcelona den 2019, ta bay terminando e proximo verano.
Follow NoticiaCla
