Peilingwijzer: PVV ta keda e partido mas grandi, sigui pa CDA y Groenlinks/PvdA

DEN HAAG - Den e sistema di encuesta politico pa e eleccion hulandes proximo, esta e Peilingwijzer mas reciente, cu ta inclui e ultimo encuesta di Verian/EenVandaag, no tin un cambio substancial den panorama politico.  PVV  ta keda e partido mas grandi cu entre 19% te 22% di e voto. Na un distancia algo mas tras,  CDA  y  GroenLinks-PvdA  ta sigui na mes nivel, cada un cu entre 14% te 16%.  

Despues ta tres partido cu ta relativamente cerca un di otro.  D66  tin entre 9% te 12% den e Peilingwijzer, mientras  VVD  tin entre 8% te 10% di sosten. E margen di error di diferencia entre e dos partido aki ta tan chikito cu no por bisa cu seguridad cual ta mas grandi.  JA21  tin entre 7% te 9%, tambe hopi cerca di e VVD, cu mesun situacion: no por bisa cu certeza cual di e dos ta mas grandi. Pero e diferencia entre D66 y JA21 ta estadisticamente significativo.  

Despues di e seis partido grandi, tin un grupo di partido cu ta haña entre 2% te 3% di sosten:  SP, FvD, PvdD, Denk, BBB, Volt, SGP y  ChristenUnie .  50PLUS  tin entre 1% te 2%, y  NSC  ta haña entre 0% te 1%.  

Desde e actualisacion aki, e Peilingwijzer ta tuma na cuenta cu den e ultimo simannan di campaña, e puntuacionnan di partido ta tende move mas lihé cu fuera di tempo di campaña. E mesun metodo a wordo usa den e fase final di campaña electoral di 2023. No tur partido lo cambia dramaticamente awor, pero hopi votadornan ta tuma nan desicion final den e ultimo simannan, y esey por causa mas movimiento y cambio mas rapido entre partido cu normal.  

E modelo ta duna espacio pa partido pa subi of baha mas rapido desde dos siman promé cu e eleccion, compará cu ora no tin campaña. Esaki ta bin cu un margen di inseguridad un tiki mas grandi, principalmente pa e partido cu ta mas movibel.