Director interino di aeropuerto ta atende temanan 'cayente' pendiente den programa Noticiacla LIVE

ORANJESTAD – Awe nochi den e episodio di Noticiacla LIVE, e invitado ta e director interino di Aeropuerto Reina Beatrix di Aruba, James Fazio. Esaki ta su prome entrevista duna, desde cu e la asumi e funcion recientemente na aeropuerto. Den e entrevista aki, e moderador Tito Laclé ta confronte cu varios tema actual y al caso. Entre nan, e problema di filanan largo na aeropuerto y con pa resolve esaki, pakico e contracto cu Royal Schiphol Group ainda no ta firma, y tambe pakico ainda no a apunta un arubiano como e CEO na e compania. Esaki y mucho mas, Fazio lo trata durante e entrevista. Claro, cu e lo splica e situacion actual na aeropuerto, relaciona cu e retraso grandi cu tin cu e renobacion y expansion di e aeropuerto. Y kico por spera di dje, mientras cu e ta na cabez di e compania, aunke ta temporalmente. Sigur un entrevista cu bo no por perde. E ta pasa awe diamars anochi, 21 di oktober pa 8’or y mei di anochi, riba e pagina di Facebook di Noticiacla 2.0. Despues e lo ta disponible riba e canal di Youtube di Noticiacla.