Cabo Verde ta e pais mas chikito di mundo cu a clasifica pa mundial futbol 2026

CABO VERDE - Cabo Verde a logra clasifica pa su prome biaha pa Mundial di futbol, cu lo tuma luga e proximo verano na Canada, Mexico y Merca. E “Tiburonnan Azul” a asegura e titulo di su grupo despues di gana e ultimo partido di clasificacion cu 3-0 contra Eswatini.

Dailon Livramento, un  di e seis  hungador

naci na Rotterdam di e archipielago, a hinca e prome gol poco despues di e medio tempo contra e pais anteriormente conoci como Swaziland.

Cabo Verde, cu tin menos di 600.000 habitantenan, ta — despues di Islandia na 2018 — e pais mas chikito cu ta participa den un Mundial di futbol. E seleccion ta na posicion setenta den e ranking mundial di FIFA, caminda e a bira miembro na 1986 (diesun aña despues di su independencia di Portugal).

Den e estadio nacional di Praia, capital di e grupo di islanan den e Oceano Atlantico, e emocion y tension tabata grandi durante e ultimo partido decisivo di e serie di clasificacion. Despues di seis victoria y solamente un derrota den nuebe partido, Cabo Verde tabata tin e destino den su mes man.