Costo di bida halto ta dividi partidonan durante debate politico di lider na RTL 4

DEN HAAG – Cu apenas dos siman y mey pa bai te eleccion pa Tweede Kamer, e lidernan di e partidonan mas grandi segun e encuesta – esun cu e excepcion di lider di PVV, Geert Wilders – a midi forza entre nan mes diadomingo anochi. E aumento di costo di bida pa ciudadanonan y companianan a keda como tema principal den un debate intenso, caminda e lidernan di GL/PvdA, VVD, CDA y D66 no a tene nada tras.

Durante e RTL Verkiezingsdebat den Amsterdamse Beurs van Berlage, a tene un momento pa referi na e ausencia di lider di PVV, Geert Wilders. Aunke e servicio di seguridad a bisa cu e por a participa – den e mes Beursgebouw, via videocall, of den Tweede Kamer cu seguridad mas estricto – Wilders a dicidi pa no haci esaki.

E la suspende su campaña temporalmente pa motibo di “un mal sintimento” tocante su seguridad, despues cu tabatin detencionnan den Belgica relaciona cu un supuesto ataque di drone riba politiconan derechista, den cua segun reportenan su nomber tambe a sali. E cuater lidernan presente – Timmermans (GL/PvdA), Yesilgoz (VVD), Bontenbal (CDA) y Jetten (D66), cu a reemplasa Wilders – a desee hopi forza, pero tambe a expresa nan decepcion pa su ausencia.