Gobierno Hulandes contra derecho di voto activo pa Hulandesnan biba den Caribe

Posted on 10/9/2025 9:29 am AST | Updated on 10/9/2025 9:29 am AST

O’STAD /DEN HAAG – Gobierno di Hulanda ta consciente di e echo cu tin un defisit democratico den Reino y ta comprende e punto di bista di Raad van State manera a trece dilanti den su conseho na 2024, relacional cu 70 aña di Statuto di Reino. Raad van State ta conseha pa atende cu e situacion aki y ta propone, entre otro, pa amplia e derecho di voto pa medio di duna Hulandesnan biba den Caribe derecho di voto activo den eleccionnan pa “Staten-Generaal” na Hulanda.

Apesar di tin comprension pa e posicion di Raad van State, gobierno Hulandes no por uni su mes cu e proposicion pa soluciona e defisit democratico cu derecho di voto activo pa cuidadanonan cu ta biba riba un di e islanan Hulandes den Caribe. Derecho di voto activo ta inclui e derecho pa participa y keda eligi durante un eleccion. Raad van State ta bisa cu tin diferente forma pa duna contenido na ampliacion di e derecho di voto activo, pero e ta kere cu esun mas realistico ta eliminacion di e prohibicion pa Hulandesnan biba riba un di e paisnan den Caribe participa na eleccionnan pa “Staten-Generaal”, cu ta Parlamento y Senado Hulandes.

Pero, segun gobierno Hulandes, e consecuencia positivo di e solucion aki no ta compara cu e puntonan negativo. Di tur legislacion ta entre 2 pa 3 porciento ta un ley di Reino. Tur sobra legislacion ta relacional cu asuntonan autonomo di Hulanda. Ampliacion di e derecho activo di voto ta duna Hulandesnan biba den Caribe influencia riba e leynan autonomo di Hulanda.

Tambe e por tin consecuencia pa reparticion di asiento y tambe por influencia formacion di un gobierno Hulandes nobo. Gobierno Hulandes ta bisa cu ta bin acerca cu den cuadro di cambio di constitucion na 1983 a decidi pa no duna Hulandesnan biba riba e paisnan den Caribe derecho di voto activo. No tabata haya deseabel cu Hulandesnan tin derecho di voto activo tanto pa “Staten-Generaal” di Hulanda como e Parlamento di e pais den Caribe.

Gobierno Hulandes no ta mira motibo pa na e momentonan aki cambia di huicio riba e punto aki, manera el a trece dilanti den un asina yama “position paper” riba e conseho di Raad van State. Finalmente, gobierno Hulandes ta indica cu e otro ehempel cu Raad van State a presenta, cu ta un Parlamento di Reino separa, no ta realizabel mirando su complexidad y cu mester pasa un trayecto largo pa cambia Statuto di Reino prome cu por realiza esaki.

AIVD: Rusia a hack accountnan di WhatsApp y Signal di empleado di gobierno hulandes
DEN HAAG – Hackernan liga cu Rusia probablemente a logra haya informacion sensibel via accountnan di WhatsApp y Signal di empleado di gobierno Hulandes. Esaki ta segun informacion cu a wordo comunica pa media pa servicionan di inteligencia MIVD y AIVD dialuna.
Mas Hulanda
Lesa Mas
Secretario di estado nobo Van der Burg lo bishita Aruba na april
DEN HAAG – E secretario di estado Hulandes nobo pa Relacionnan di Reino, Eric van der Burg, lo haci un bishita na Aruba na luna di april. E la anuncia esey durante su prome encuentro digital cu prensa di Caribe (unda cu notiacla tambe tabata presente),despues cu e nobo gabinete na Den Haag a tuma cargo.
Mas Hulanda
Lesa Mas
Hulanda ta conoce aumento di partidonan local lo sigui pa eleccion municipal
AMSTERDAM - Tin hopi mas opcion pa votadornan den e eleccionnan municipal na Hulanda cu lo wordo tene 18 di maart. Casi mil partido politico ta competi pa gana apoyo di votadornan, y di nan 375 no a participa den e eleccion anterior. Esaki ta nifica cu lo tin ainda mas partidonan local y temanan local riba e listanan electoral.
Mas Hulanda
Lesa Mas
Van der Burg: No ta sostene idea di Eman pa cambia debe di Covid den fondo di inversion
DEN HAAG / ORANJESTAD – Hulanda no ta dispuesto pa sostene e idea di gabinete AVP-FUTURO (lesa: prome minister Mike Eman:red) pa converti e debe actual di COVID den un fondo di inversion. E peticion ey a bin di actual prome minister Mike Eman for di momento cu aña pasa e la bira prome minister atrobe. E prome intento a fracasa ora cu e la puntra e secretario di estado e tempo ey, Eddie van Marum, cu tabata secretario di estado pa Asuntonan di Reino e tempo ey. Awor cu gobierno a cambia, e pensamento pa esaki si a keda mescos. No!.
Mas Hulanda
Lesa Mas
Vd Burg: No ta dispuesto pa 'cambia' e version actual di HOFA
DEN HAAG / ORANJESTAD – Signatura di Gobierno di Hulanda por a cambia, pero nan pensamento pa cu Aruba su asuntonan no. Esey por a compronde diabierna merdia durante un conferencia di prensa entre secretario di estado nobo di Hulanda pa Asuntonan di Reino Eric van der Burg cu periodistanan di Reino. Riba e tema di HOFA y conversion di debe di covid den fondo di inversion, Aruba a haya cada biaha un no, como contesta. No pa cambio di contenido di HOFA, y no pa converti e debe di Covid den un fondo di inversion.
Mas Hulanda
Lesa Mas
Minister Schwengle a atende su prome reunion di Conseho di Minister di Reino
DEN HAAG – Minister Schwengle a atende su prome reunion di Conseho di Minister di Reino (RMR). Na final di e RMR tabata tin un momento cu e tres Ministernan Plenipotenciario a pose hunto riba potret. Na e ocacion aki mescos cu tabata e caso di Aruba, pa e Minister Plenipotenciario di Curaçao Errold Bishop tambe tabata su prome reunion di RMR.
Mas Hulanda
Lesa Mas