Senador ta sali for di VVD pa motibo di descontento cu direccion di partido, ta keda cu su asiento

DEN HAAG - Senador Cees van de Sanden a sali for di VVD y lo sigui traha den Eerste Kamer como un fraccion di un solo miembro. El a bisa na Volkskrant cu su partido “a desvia for di su propio balor central: libertad, responsabilidad, tolerancia, husticia social y igualdad.” Van de Sanden no ta di acuerdo cu e echo cu VVD a duna apoyo na plan di Uganda, e motie anti-‘antifa’ y e plan di asilo di PVV. “E partido a cuminza apoya desicionnan y hasi declaracionnan cu mi no por relaciona cu e balor centralnan, of cu ta completamente contra nan,” el a bisa na e periodico. “Tambe tabatin desicionnan cu ta pone presion riba e estado di derecho.”

Tanja Klip, lider di fraccion di VVD den Eerste Kamer, a bisa cu solamente mainta el a tende cu Van de Sanden ta bai. “El a surprende mi completamente. Mi ta lamenta su desicion y e echo cu el tin intencion pa tuma su asiento di VVD.” Partidonan di gobierno VVD y BBB tin awor cuater asiento menos den Eerste Kamer cu na comienso di gabinete-Schoof. Antes, tres miembro di BBB a laga partido: Robert Croll a pasa pa D66, Eric Kemperman pa Forum pa Democracia, y Pim Walenkamp ta sigui como un fraccion di un solo miembro.