- Doño di Tesla, Elon Musk por gana un bonus di 1 biyon dollar
- Colaboracion pa aumenta exito di estudio pa studiantenan Caribense ta haya continuacion
- Ajax a despedi entrenador su John Heitinga despues di mal cuminsamento di temporada
- Minister Croes a firma acuerdo na Bonaire pa Vierlanden Overleg Enseñansa y Cultura
- Gobierno di Aruba a emiti conseho di biahe negativo pa Venezuela y Haiti
Aruba Bank ta celebra aniversario di empleadonan
ORANJESTAD – 08 di oktober 2025 - Aruba Bank a organisa un celebracion pa aniversario di empleadonan, honorando miembro di e team cu a yega un momento importante den nan trayecto cu e banco; di 5, 10, 20, te na un increibel 45 aña di servicio.
E tabata un celebracion yena cu sentimiento di dedicacion, trabou den team y recuerdonan comparti. Durante e celebracion, miembro di e Management Team y Managers di diferente departamentonan a tuma e oportunidad pa reconoce cada empleado personalmente, expresando aprecio y a compartiendo anecdota cu a resalta den cada empleado su contribucion unico y e compromiso tambe durante e añanan.
Tur empleado a ricibi un regalo como un muestra di aprecio y pa nan lealtad y dedicacion continuo na e mision y balornan di Aruba Bank.
“Na Aruba Bank, nos empleadonan ta e centro di tur locual nos ta haci,” segun Rob de Ridder, Managing Director. “E celebracion aki ta un refleho di nos gran aprecio pa e pasion, profesionalismo y proposito cu nos coleganan ta trece den e organisacion tur dia.”
E celebracion di aniversario a sirbi como un recordatorio cu e exito di Aruba Bank ta basa riba e forsanan colectivo di su empleadonan, un famia cu ta sigui crece, inova y haci un diferencia hunto.
Darren van Ommeren mes ta dirigi SMAC pa carnaval 72
ORANJESTAD – “Despues di 4 dia di incertidumbre pero tambe varios reunion, awe ta keda confirma cu Darren van Ommeren lo dirigi SMAC den Carnaval 72”. Cu e mensahe cortico aki riba nan portal di Facebook, e organisacion cu ta maneha Carnaval na Aruba, a kita tur duda y incertidumbre riba e tema aki. Pa varios dia, tabatin varios duda. Entre nan, ken ta dirigi carnaval, ya cu gobierno no a duna e permiso ainda, y si SMAC mes ta dirigi carnaval, ken ta na cabez di e organisacion aki. Esey pasobra van Ommeren su tempo stipula lo a vence. Pero ta resulta cu e mes ta bay dirigi e organisacion y cu e organisacion a haya su permiso necesario. Carnaval ta cuminsa oficialmente dia 11 di november proximo pa 11 minuut pasa di 11 di mainta.
Denise de Jongh-Rekwest a lansa otro buki pa mucha na Aruba
ORANJESTAD - Riba diabierne, 31 di october a tuma luga na ATHA, presentacion di un buki nobo na Papiamento pa nos muchanan di Aruba. Titulo di e buki ta ‘No kere mes’ skirbí pa Denise de Jongh-Rekwest, publica pa Request Publishing.
Confirma: Juan Luis Guerra & 440 den concierto na Aruba na December awor
ORANJESTAD – Juan Luis Guerra y su 440 ta presenta den un concierto na Aruba dia 13 di December proximo. E rumor a keda confirma diaranson atardi durante un conferencia di prensa. E lugar lo ta Harbour Arena, y e concierto ta titula Juan Luis Guerra & 440 Live in Paradise. Ultimo biaha cu e tabata den region tabata na Corsou, aña pasa durante e Curacao North Sea Jazz Festival. Keda pendiente pa mas detaye di e concierto.
Aruba Bank a haci donación di 100 mil florin na Stichting Casa Cuna Progreso
ORANJESTAD - parti di su “Legacy Project” en conexion cu celebracion di 100 aña, Aruba Bank a anuncia cu e ta duna un donacion di AWG 100,000 na Stichting Casa Cuna Progreso (SCCP) pa yuda cu e compra di un bus nobo di 15 asiento.
Clyde Harms a sorprende cu e publicacion di “E bahul di Clyde”
ORANJESTAD - “E Bahul di Clyde’ ta un coleccion di mas di 100 articulo tocante un variedad di topico cu Clyde a yega di publica den diferente corant local y den revista na Aruba y Hulanda. E articulonan ta basa no solamente riba Clyde su recuerdonan, sino tambe riba investigacion cu el a haci tocante acontecimento, cultura y historia di Aruba. Pues e buki aki ta cay bou di e categoria di no ficcion. E articulonan aki ta pone nos bira consciente di nos historia y nos cultura cu tin hopi cos di siña nos. E articulonan ta skirbi na un manera masha accesibel, loke ta haci e lesamento masha placentero. Y ta casi sigur cu cerca algun lesado ta lanta un sintimento di nostalgia tambe. Nostalgia, pasobra hopi cos cu nos por a experiencia durante nos hubentud a cambia den transcurso di tempo; hopi cos a pasa pa pasado. P’esey mi por yama E Bahul di Clyde tambe “Loke Clyde a rescata pa nos”.
Kiwanis Club of Aruba cu Halloween Charity Gala
ORANJESTAD- Miembronan di Kiwanis Club of Aruba (KCA) ta druk preparando pa e Halloween Charity Event 2025 diabierna 31 di oktober 2025 na Renaissance Convention Center.
Follow NoticiaCla
